ប្រដាល់សកល និងគុនខ្មែរ ជួបថ្នាក់ដឹកនាំចុងក្រោយមុនចេញទៅ ស៊ីហ្គេម 2017
- 2017-08-16 07:48:41
- ចំនួនមតិ 0 | ចំនួនចែករំលែក 0
ប្រដាល់សកល និងគុនខ្មែរ ជួបថ្នាក់ដឹកនាំចុងក្រោយមុនចេញទៅ ស៊ីហ្គេម 2017
ចន្លោះមិនឃើញ
សហព័ន្ធប្រដាល់ទាំងពីរ មានសកល និងគុនខ្មែរ ជួបសំណេះសំណាលជាមួយថ្នាក់ដឹកនាំមកពីព្រឹទ្ធសភា ជាពេលចុងក្រោយមុនចេញដំណើរទៅចូលរួមប្រកួតកីឡាស៊ីហ្គេម លើកទី២៩ នៅប្រទេសម៉ាឡេស៊ី នេះ។
ឯកឧត្ដម ម៉ម ប៊ុននាង សមាជិកព្រឹទ្ធសភាបានឲ្យដឹងកាលពីព្រឹកមិញនេះថា ចំពោះកីឡាករដែលត្រូវទៅចូលរួមនៅស៊ីហ្គេម ទាំងអស់ត្រូវខំប្រឹងឲ្យមែនទែនដើម្បីទទួលបានជ័យជម្នះយកមេដាយជូនកម្ពុជា។ ចំពោះយុទ្ធសាស្ត្រ និងយុទ្ធវិធីផ្សេងៗកីឡាករត្រូវតែខំប្រឹងស្វែងយល់ដោយខ្លួនឯងបន្ថែមទៀត ដូចជាមើលតាមរយៈទូរទស្សន៍ ឬយូធូបក្ដី បន្ថែមលើការហ្វឹកដោយគ្រូ។
ឯកឧត្ដមបន្តថា កីឡាករទាំងអស់ត្រូវចេះតែថែទាំសុខភាពឲ្យបានល្អក្នុងពេលនេះ ដើម្បីឲ្យមានលក្ខណៈគ្រប់គ្រាន់សម្រាប់ការប្រកួតនៅពេលខាងមុខ។ ចំពោះរឿងដែលគួរយកចិត្តទុកដាក់មួយទៀតនោះ គឺមិនត្រូវប៉ះពាល់ជាដាច់ខាតការប្រើប្រាស់សារធាតុហាមឃាត់ផ្សេងៗ ព្រោះបើគេពិនិត្យឃើញនោះ វានឹងមានបញ្ហាដល់កីឡាករខ្លួនឯងផង និងមុខមាត់ប្រទេសជាតិផង។ សម្រាប់ស៊ីហ្គេម កីឡាករ កីឡាការិនី ដែលឈ្នះបានមេដាយនោះ នឹងទទួលបានប្រាក់រង្វាន់ច្រើនផងដែរ នេះក៏អាចជាឱកាសល្អដែលបានប្រាក់ចំណូលថែមទៀតដែរ។
សម្រាប់ការជួបជុំ និងសំណេះសំណាលលើកចុងក្រោយរបស់សហព័ន្ធប្រដាល់សកល ប្រដាល់គុនខ្មែរ ជាមួយថ្នាក់ដឹកនាំសមាជិកព្រឹទ្ធសភា នេះធ្វើឡើងនៅវិមានអូឡាំពិក ដែលមានប្រធានសហព័ន្ធទាំងពីរ គ្រូបង្វឹក និងកីឡាករដែលត្រូវទៅស៊ីហ្គេម ២០១៧នេះ។ នៅថ្ងៃទី១៨ សីហា នេះ កីឡាករប្រដាល់សកលនឹងចេញដំណើរទៅមុន ខណៈគុនខ្មែរចេញទៅថ្ងៃទី២៥ សីហា តាមក្រោយ៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕