ផ្អើលពេញអ៊ីនធឺណិត ខណៈបណ្ដាញសង្គមរបស់ Taylor Swift ត្រូវបានលុបទាំងអស់

2017-08-19 07:26:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាគណនីសង្គមទាំងអស់របស់តារាចម្រៀងសញ្ជាតិអាមេរិក Taylor Swift មានដូចជា Twitter, Instagram, Facebook, Tumblr និងវិបសាយផ្លូវការ ស្រាប់មានភាពមិនប្រក្រតីកើតឡើង បង្កើតជាចម្ងល់ពេញបណ្ដាញអ៊ីនធឺណិត។

រឿងរ៉ាវដ៏គួរឲ្យភ្ញាក់ផ្អើលនេះ បានកើតឡើងកាលពីម្សិលមិញ នាំឲ្យអ្នកគាំទ្ររបស់តារាចម្រៀង Taylor Swift ទាំងអស់ផ្ទុះចម្ងល់ព្រមៗគ្នា ថាតើបណ្ដាលមកពីមូលហេតុអ្វី? ជាក់ស្ដែង បន្ទាប់ពីឈ្នះក្ដី លើ DJ David Mueller ករណីបៀតបៀនផ្លូវភេទហើយ អ្នកគាំទ្ររបស់នាង ទន្ទឹងរង់ចាំការបកស្រាយនានាពាក់ព័ន្ធនឹងរឿងក្ដីនេះ ប៉ុន្តែនាងនៅតែរក្សាភាពស្ងាត់ស្ងៀមទៅវិញ។

មកទល់ពេលនេះ រឿងរ៉ាវកាន់តែបន្តកើតឡើងផ្ទួនៗ ខណៈគណនីបណ្ដាញសង្គមរបស់តារាស្រីរូបនេះ ស្រាប់តែមានបញ្ហា ដោយរាល់ទិន្នន័យលើគណនីទាំងនោះត្រូវបានលុបចោលទាំងអស់។

គណនី Instagram

គណនី Twitter

គណនី Facebook

គណនី Tumblr

វិបសាយផ្លូវការ

បញ្ហាទាំងនេះ ត្រូវអ្នកប្រើប្រាស់បណ្ដាញអ៊ីនធឺណិតមួយចំនួន សន្និដ្ឋានថា មានជនខិលខូចលួចបំផ្លាញ (Hack) គណនីទាំងនោះ តែខ្លះទៀតគិតថា នេះគឺជាចេតនារបស់ Taylor តែម្ដង។ ប៉ុន្តែទោះជាយ៉ាងណា ក៏ការពិតនៅមិនទាន់មានការបកស្រាយ ហើយអ្នកគាំទ្ររបស់តារាស្រីវ័យ ២៧ឆ្នាំរូបនេះទាំងអស់ក៏កំពុងរង់ចាំ ការបញ្ជាក់ផ្សេងៗដូចគ្នាពាក់ព័ន្ធនឹងបញ្ហានេះ៕

ចុចអាន៖

ប្រភព៖ News.com.au ប្រែសម្រួល៖ យី សុធារី