Brookyn Beckham ជួបគ្នាជាមួយសង្សារចាស់ Chloe Grace Moretz វិញ?

2017-08-21 11:26:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពមួយបានបញ្ជាក់ទស្សនាវដ្ដី People ថា Brooklyn Beckham ដែលជាកូនប្រុសរបស់តារាល្បី David Beckham និង Victoria Beckham បានជួបជុំនិងចេញទៅក្រៅជាមួយគ្នាម្ដងទៀតជាមួយតារាសម្ដែង Chloe Grace Moretz បន្ទាប់ពីបែកបាក់គ្នាបានជិតមួយឆ្នាំ។

Brooklyn Beckham និង Chloe Grace Moretz

យោងទៅតាមសារព័ត៌មាន "The Sun” តារាទាំងពីរដួង ត្រូវបានគេប្រទះឃើញចូលរួមកម្មវិធីជប់លៀងមួយនៅទីក្រុង Los Angeles ជាមួយគ្នាកាលពីសប្ដាហ៍មុន។ មិនត្រឹមតែប៉ុណ្ណោះតារាសម្ដែង Chloe ក៏ត្រូវបានគេរាយការណ៍ថាបានប្រាប់អ្នកចូលរួមកម្មវិធីជប់លៀងនោះពីការទាក់ទងគ្នាសារជាថ្មីរវាងខ្លួននិង Brooklyn ផងដែរ។ អ្នកគាំទ្រជំនិតរបស់តារារូបនេះប្រទះឃើញនាងចាប់ផ្ដើម Follow អតីតសង្សារ Brooklyn ម្ដងទៀត ព្រមទាំងចុច Like លើរូបភាពអ្នកទាំងពីរដែលបានបង្ហោះដោយអ្នកគាំទ្រមួយរូបទៀតផង។

ចំណែកឯ Brooklyn វិញមិនបាននិយាយអ្វីបញ្ជាក់ទាក់ទងនឹងបញ្ហានេះទេ ដោយសារខ្លួនត្រូវត្រលប់ទៅទីក្រុង New York វិញសប្ដាហ៍នេះដើម្បីបន្តការសិក្សាបរិញ្ញាបត្រផ្នែកថតរូប។

Brookly Beckham និង Madison Beer

ថ្មីៗនេះតារារូបនេះក៏ត្រូវគេសង្ស័យថាទាកទងនឹងអ្នកចម្រៀង Madison Beer ម្ដងរួចមកហើយ ប៉ុន្តែនាងក៏បដិសេធនូវពាក្យចចាមអារ៉ាមនេះវិញ ប៉ុន្តែក៏សារភាពថាមានចិត្តចំពោះគ្នាខ្លះៗដែរ៕

អានអត្ថបទ៖

ប្រភព៖ people.cn ប្រែសម្រួល៖ ធារ៉ូ