Rain ដាក់១ម៉ាត់ក្អួតឈាម ពេលមិត្តភ័ក្ដិប៉ិនបបួលចូលក្លឹបរាត្រីពេក!

2017-08-22 10:30:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកម្មវិធីមួយដែលមានឈ្មោះថា "Marriage Vacation” កាលពីពេលថ្មីៗនេះ មានការចូលរួមពីមិត្តជិតស្និទ្ធម្នាក់របស់ Rain ដែលលោកបានធ្វើឲ្យទស្សនិកជនមានការភ្ញាក់ផ្អើលជាខ្លាំង ក្រោយបបួល មិត្តភ័ក្ដិរបស់ខ្លួនធ្វើរឿងមួយ។

នៅថ្ងៃនោះ មិត្តល្អរបស់ Rain ដែលមានឈ្មោះថា Shin Seho បានហៅទូរសព្ទទៅកាន់ មិត្តខ្លួនឲ្យចេញក្រៅ ហើយបបួលទៅក្លឹបជាមួយលោក ព្រោះយប់នោះលោកទំនេរ។ ស្រាប់តែភ្លាមៗ Rain បានប្រាប់មកវិញថា "សម្រាកទៅ”។ ប៉ុន្តែ Seho នៅតែបញ្ចុះបញ្ចូល Rain ទៀត ជាហេតុនាំឲ្យ ស្វាមី តារាសម្ដែង Kim Tae Hee និយាយថា៖ "មើលចុះ! ឥឡូវពួកយើងមិនមែន កាលពីជាង ២០ឆ្នាំមុនទេ។ សូមគិតម្ដងទៀតមុននឹងស្នើរឿងទាំងនេះ។ ខ្ញុំរវល់ណាស់ពេលនេះ អីចឹងខ្ញុំដាក់ទូរសព្ទចុះហើយ។ មួយវិញទៀត សូមជួយនិយាយ "សួស្ដី" ទៅកាន់ប្រពន្ធរបស់អ្នកឲ្យខ្ញុំផង”។

ក្រោយមក តារាប្រុសរូបនេះក៏បានដាក់ទូរសព្ទចុះ ហើយតាមរយៈសម្ដីមួយឃ្លានោះ អ្នកគ្រប់គ្នាក្នុងស្ទូឌីយ៉ូវិញ មានការកោតសរសើរ គោរពទឹកចិត្តរបស់លោកណាស់។ ជាក់ស្ដែង Rain ពិតជាមិនដែលខ្វល់រឿងទៅក្លឹបអ្វីដែរបច្ចុប្បន្ននេះ ដោយសារលោកបានរៀបការមានប្រពន្ធ កូន លែងនៅខ្លួនមួយដូចមុនទៀតហើយ។

គួរបញ្ជាក់ដែរថា លោក Shin Seho ជាមិត្តល្អម្នាក់របស់កំពូលតារាប្រុស Rain ព្រោះកាលពីពេលមុន ពួកគេធ្លាប់ធ្វើជាអ្នករាំឲ្យលោក Park Jin Young ម្ចាស់ផលិតកម្ម JYP ជាមួយគ្នា។ Seho ក៏បានរៀបការរួចហើយដែរ ហើយមកដល់សព្វថ្ងៃទំនាក់ទំនងលោក និង Rain ព្រមទាំងភរិយានៅតែល្អដដែល៕

ចុចអាន៖

ប្រភព៖ Koreaboo ប្រែសម្រួល៖ យី សុធារី