កំពុងគិតចង់ទិញបាស (Speaker) មែនទេ? ចេះប៉ុន្មានស្នៀតនេះ ដឹងតែទិញហើយពេញចិត្តស្តូក

2017-08-22 23:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបករណ៍បំពងសំឡេងឬយើងនិយមហៅថា Speaker ជាប្រភេទឧបករណ៍ម្យ៉ាងដែលកំពុងពេញនិយមខ្លាំងសព្វថ្ងៃ។ ក្រៅពីការសម្លឹងមើលទៅលើតម្លៃ Sabay ណែនាំឲ្យប្រិយមិត្តស្វែងយល់ពីកត្តា ៥ យ៉ាងផ្សេងទៀត ដើម្បីជ្រើសរើសទិញ Speaker ឲ្យបានត្រឹមត្រូវ។

១.គុណភាពសំឡេង

មិនខុសពីម្ហូបអាហារ មនុស្សយើងតែងមានចំណង់ខុសៗពីគ្នា ដោយទោះបីដឹងថារបស់នោះល្អហើយក្ដី។ គុណភាពសំឡេងចេញពី Speaker ក៏ដូចគ្នា។

បើចង់បានបាសល្អ ត្រូវចំណាយពេលរាងយូរបន្តិចតេស្តស្ដាប់។ តើគុណភាពសំឡេងបែបហ្នឹងត្រូវចិត្តអ្នកឬអត់? សំឡេងមានបែកឬទេ? ចំណុចនេះគឺផ្អែកសំខាន់លើចំណង់ចំណូលចិត្តរបស់បុគ្គលម្នាក់ៗ។

២.ប្រភេទនៃ Speaker

កន្លងទៅ Sabay បានណែនាំឲ្យស្គាល់ប្រភេទ Speaker ផ្សេងៗ។ បើអ្នកគ្រាន់តែទិញទុកស្ដាប់កម្សាន្តធម្មតា ត្រូវយកទៅសាលាឬកន្លែងផ្សេងៗ គួរជ្រើសរើសប្រភេទ Portable Speaker ដែលយើងនិយមហៅថា កូនបាសតូចៗ។ តែបើចង់រៀបចំជាគ្រឿងបរិក្ខារក្នុងគេហដ្ឋានឲ្យបានស្រស់ស្អាត អាចជ្រើសរើសប្រភេទ Floorstanding Speaker សម្រាប់ផ្ទះមានទំហំធំ និងBoookshelf Speaker សម្រាប់ផ្ទះមានទំហំតូចជាដើម។

៣.ប្រវែងនិងចំនួនតភ្ជាប់

ពិតណាស់ Speaker ថ្លៃបច្ចុប្បន្ន រមែងភ្ជាប់បច្ចេកវិទ្យាទំនើបៗដូចជា ការតភ្ជាប់ប្រព័ន្ធ Wireless/Bluetooth ដែលយើងអាចចាក់បទចម្រៀងឆ្លងពីឧបករណ៍មួយទៅឧបករណ៍មួយទៀតបាន។ ត្រូវជ្រើសរើសប្រភេទ Speaker ណាដែលគាំទ្រចម្ងាយឆ្ងាយនៃការតភ្ជាប់ ហើយអាចតភ្ជាប់ជាមួយឧបករណ៍ដទៃបានច្រើនក្នុងពេលតែមួយ។ (ឧទាហរណ៍: Speaker ខ្លះ អាច Connect ជាមួយស្មាតហ្វូន ២ ទៅ ៣ គ្រឿងក្នុងពេលតែមួយ ហើយប្រវែងភ្ជាប់ឆ្ងាយបំផុត ៣០ ម៉ែត្រ)

៤.ថាមពលថ្មនិងមុខងារសាកថ្ម

ស្វែងយល់ពី Speaker នោះ តើទំហំថាមពលថ្មអាចប្រើប្រាស់បានរយៈពេលប៉ុន្មានម៉ោង? សាកបញ្ចូលមួយពេញត្រូវចំណាយពេលប៉ុន្មានម៉ោង? អ្វីដែលពិសេសបច្ចុប្បន្ន Speaker ទំនើបខ្លះមានមុខងារសាកថ្មបញ្ជូនទៅស្មាតហ្វូនបានទៀត ដែលវាអាចដើរតួជំនួស Powerbank ថែមទៀតផង។

៥.ភាពធន់

ត្រូវមើលតួខ្លួនឬសំបកនៃ Speaker ជាប្រភេទជ័រអ្វី ដែលយើងអាចសន្មតថាធន់បានកម្រិតណា? លើសពីនោះគឺមុខងារមិនជ្រាបទឹកឬធន់នឹងទឹក ដោយ Speaker ខ្លះតម្លៃថ្លៃ ប៉ុន្តែបើយើងមិនបានសួរនាំច្បាស់លាស់ វាមិនមានមុខងារការពារការជ្រាបទឹកនោះ បើចូលទឹកបន្តិចគឺខូចតែម្ដង។

ការណែនាំប៉ុណ្ណឹង គ្រប់គ្រាន់សម្រាប់ប្រិយមិត្តអាចពិចារណាបានហើយ! បើនៅមានចម្ងល់អីអាចសាកសួរបន្ថែមបាន៕

ប្រភព៖ lifewire | digit ប្រែសម្រួល៖ កៅ រក្សា

ពាក្យទាក់ទង

ចំណេះដឹងបច្ចេកវិទ្យា កៅ រក្សា

អត្ថបទពេញនិយម

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

យប់មួយនៅ ហុងកុង ៖ មកស្គាល់ Bar ល្បីៗ ទាំង ៥ ផ្តល់នូវបរិយាកាស ពេលរាត្រីដែលមិនអាចបំភ្លេចបាន

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

អត្ថបទថ្មី

សូម្បីតែយក្ស ក៏ញាក់ទទ្រើតតាមក្បាច់រាំក្នុង MVថ្មី “កុលាបមានបន្លា” របស់ ព្រាប សុវត្ថិ ដែរ!

Honda និង Nissan ត្រៀមចាប់ដៃគ្នា រួមបញ្ចូលជាក្រុមហ៊ុនតែមួយ ដើម្បីប្រជែងទីផ្សារជាមួយ រថយន្តចិន

រឿងភាគបុរាណចិនទាំង ១០នេះហើយ ជាថ្នាំផ្សំជួយឲ្យអតីតកាលស្រស់បំព្រងខ្លាំង

នាយករដ្ឋមន្រ្តីកម្ពុជា ជម្រុញបង្កើត Data Centre ដើម្បីរក្សាទុកស្នាដៃស្រាវជ្រាវ របស់ សិស្សនិស្សិត

តំណាងអគ្គនាយកដ្ឋានកីឡា៖ កីឡាករ កីឡាការិនីវូស៊ូទាំងអស់ទោះបញ្ចប់ការប្រកួតថ្នាក់ជាតិហើយក្ដី ត្រូវបន្តខំប្រឹងហ្វឹកហាត់ត្រៀមស៊ីហ្គេមនៅថៃទៀត