រឿង "និស្ស័យស្នេហ៍ប្ដូរវិញ្ញាណ" ល្បីសឹងអី បែរជាឆាប់ចប់ទៅវិញ តើមានបញ្ហាអ្វីទៅ?

2017-08-23 04:12:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈ ភាពយន្តភាគមួយរបស់ទូរទស្សន៍ថៃប៉ុស្តិ៍លេខ ៣ រឿង "និស្ស័យស្នេហ៍ប្ដូរវិញ្ញាណ" កំពុងចាក់ផ្សាយ ស្រាប់តែមានសេចក្ដីរាយការណ៍មកថា ភាពយន្តមួយនេះមានតែ ១០ភាគប៉ុណ្ណោះ។

ព័ត៌មាននេះបានធ្វើឲ្យ អ្នកគាំទ្រ ក៏ដូចជាទស្សនិកជនដែលនិយមតាមដានរឿងនេះ មានការភ្ញាក់ផ្អើល ស្ទើរមិនគួរឲ្យជឿថា វាជាការពិត ព្រោះមកទល់ពេលនេះ រឿងនេះបានបញ្ចាំងបានចំនួន ៨ភាគហើយ ដូចនេះនៅសល់តែ ២ភាគទៀតប៉ុណ្ណោះ។ យ៉ាងណាមិញ ទាក់ទងនឹងបញ្ហានេះ មានមតិខ្លះលើកឡើងថា នេះក៏ព្រោះតែរឿងនេះស្ថិតនៅចំណាត់ថ្នាក់ទាប ជាហេតុនាំឲ្យខាងទូរទស្សន៍សម្រេចកាត់ភាគខ្លះចោល។

ផ្ទុយពីមតិទាំងនោះ តារាសម្ដែង Nadech និង Yaya ដែលជាតួឯកប្រុសស្រីក្នុងរឿង បានទទួលស្គាល់ថា "និស្ស័យស្នេហ៍ប្ដូរវិញ្ញាណ” ពិតជាមានតែ ១០ភាគមែន ប៉ុន្តែមិនមែនដោយសារវាស្ថិតនៅចំណាត់ថ្នាក់ទាបទេ មូលហេតុពិតគឺដោយសារ ការកែសម្រួលឈុតខ្លះក្នុងរឿងប៉ុណ្ណោះ ហើយកាលណាមានភាគតិច នោះនឹងអាចធ្វើឲ្យចំណាប់អារម្មណ៍របស់ទស្សនិកជនកើនឡើង។ បន្ថែមពីលើនេះ តារាប្រុសស្រីទាំង ២ក៏បាននិយាយដែរថា ពួកគេក៏មិនដែលរំពឹងចង់បានចំណាត់ថ្នាក់ខ្ពស់ពីរឿងនេះដែរ។

មកទល់សប្ដាហ៍ថ្មីនេះ រឿងថ្មីរបស់ Nadech និង Yaya មួយនេះឈានមកដល់វគ្គទី ៨ហើយ បើគិតពីចំនួនអ្នកគាំទ្រច្រើនគួរសម មិនចាញ់រឿងចាស់ៗដែរ មិនថាតែក្នុងប្រទេសថៃទេ ពោលនៅក្នុងប្រទេសកម្ពុជា ក៏មានអ្នកតាមដានរឿងនេះជាហូរហែដែរ៕

ចុចអាន៖

ប្រភព៖ daranews ប្រែសម្រួល៖ យី សុធារី