Mark Wahlberg បំបាក់ The Rock ដោយរឿង១ ធ្វើឲ្យគ្រប់គ្នានឹកស្មានមិនដល់!

2017-08-23 07:45:19
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Mark Wahlberg បានឡើងតំណែងក្លាយជាតារាសម្ដែងដែលរកចំណូលបានច្រើនជាងគេបំផុតសម្រាប់ឆ្នាំ ២០១៧។ នេះបើតាមលទ្ធផលពីទស្សនាវដ្ដី Forbes។

លោក Mark Wahlberg

តារាវ័យ ៤៦ ឆ្នាំរូបនេះរកចំណូលបានដល់ទៅ ៦៨លានដុល្លារឯណោះសម្រាប់តែក្នុងឆ្នាំ ២០១៧ ដែលប្រភពធំៗនៃចំណូលនោះគឺបានមកពីភាពយន្តដូចជា "Daddy's Home 2” និង "Transformers: The Last Knight” ហើយចំនួនទឹកប្រាក់នេះត្រូវបានប្រកាសដោយ Forbes កាលពីថ្ងៃអង្គារ។

Mark Wahlberg បានដណ្ដើមដំណែងរបស់តារាសម្ដែង Dwane “The Rock” Johnson ដោយតារារូបនេះអាចរកចំណូលបាន ៦៥លានដុល្លារគឺតិចជាងប្រមាណ៣លានដុល្លារ។

The Rock

ប្រភពចំណូលរបស់ The Rock សម្រាប់ឆ្នាំ ២០១៧ នេះគឺរាប់បញ្ចូលទាំងថ្លៃខ្លួនសម្ដែងលោកក្នុងរឿង Baywatch និងការសម្ដែងក្នុងរឿង "Ballers” របស់ប៉ុស្តិ៍ទូរទស្សន៍ HBO ហើយក៏បញ្ចូលទាំងតួដែលលោកត្រូវសម្ដែងក្នុងរឿង "Jumanji” ផងដែរ។

លោក Vin Diesel

តារាសម្ដែង Vin Diesel ទទួលបានចំណាត់ថ្នាក់លេខបី ជាមួយនឹងចំណូល ៥៤,៥លានដុល្លារ បានមកពីរឿងលោកសម្ដែងដូចជា "xXx: The Return of Xander Cage” និង "Guardians of the Galaxy Vol. 2.” ជាដើម។

ចំណែកឯចំណាត់ថ្នាក់លេខ ៤ បានទៅលើលោក Adam Sandler ចំពោះចំណូល ៥០,៥លានដុល្លារដោយសារតែភាពយន្តផ្សេងៗជាច្រើនរបស់លោកក្រោយចុះកុងត្រាជាមួយក្រុមហ៊ុនយក្ស Netflix។

លោក Jackie Chan ទទួលបានលេខ ៥ ជាមួយនឹងទឹកប្រាក់ ៤៩លានដុល្លារ។ ចំណូលនេះគឺបានដោយសារតែលោកបានថតនិងផលិតរឿងជាច្រើននៅប្រទេសចិន៕

ហើយនេះជាបណ្ដាតារាសម្ដែងប្រុសទាំង២០រូបដែលរកចំណូលបានច្រើនជាងគេសម្រាប់ឆ្នាំ២០១៧នេះ៖

១. Mark Wahlberg ៦៨លានដុល្លារ

២. The Rock ៦៥លានដុល្លារ

៣. Vin Diesel ៥៤លានដុល្លារ

៤. Adam Sandler ៥០,៥លានដុល្លារ

៥. Jackie Chan ៤៩លានដុល្លារ

៦. Robert Downey Jr ៤៨លានដុល្លារ

៧. Tom Cruise ៤៣លានដុល្លារ

៨. Shah Rukh Khan ៣៨លានដុល្លារ

៩. Salman Khan ៣៧លានដុល្លារ

១០. Akshay Kumar ៣៧លានដុល្លារ