តារាស្រីជួរមុខកូរ៉េណាខ្លះ ត្រៀមខ្លួនសម្រាលបុត្រក្នុងពេលឆាប់ៗនេះ?

2017-08-26 02:16:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឆ្នាំ ២០១៧នេះ មានតារាស្រីជួរមុខរបស់កូរ៉េជាច្រើន បានចែករំលែកដំណឹងរីករាយជាមួយអ្នកគាំទ្រទាំងអស់របស់ខ្លួន។ តារាខ្លះមានព័ត៌មានមង្គលពាក់ព័ន្ធនឹងអាពាហ៍ពិពាហ៍ ខ្លះទៀតកំពុងត្រៀមខ្លួនសម្រាលបុត្រ ក្រោយសាងសុភមង្គលជាមួយដៃគូជីវិតរបស់ពួកគេ។

តារាល្បីៗខាងក្រោមនេះ ត្រៀមនឹងទទួលបានបុត្រជាទីស្រឡាញ់ក្នុងពេលឆាប់ៗខាងមុខ៖

១. តារាសម្ដែង Bae Yong Joon និងភរិយា Park Soo Jin

ស្វាមីភរិយាមួយគូនេះ កំពុងត្រៀមខ្លួនស្វាគមន៍បុត្រទី ២ ហើយ។ នេះបើតាមការបញ្ជាក់ពីខាងផលិតកម្មរបស់តារាប្រុសស្រីទាំង ២ កាលពីថ្ងៃទី ២៣ សីហានេះ។ ពួកគេទាំង២បានរៀបការតាំងពីខែ កក្កដា ឆ្នាំ ២០១៥ ហើយមានបុត្រដំបូង ក្នុងឆ្នាំ២០១៦ ថ្ងៃទី ២៣ ខែតុលា។

២. តារាសម្ដែង Jun Ji Hyun

កំពូលតារាស្រីដែលពោរពេញដោយសមត្ថភាពសិល្បៈពេញខ្លួន Jun Ji Hyun ក៏កំពុងត្រៀមខ្លួនសម្រាលបុត្រទី ២នៅក្នុងខែ មករា ឆ្នាំ ២០១៨ ខាងមុខនេះដែរ។ តារាស្រីរូបនេះ បានស្វាគមន៍កូនប្រុសដំបូងកាលពីថ្ងៃទី ១០ ខែកុម្ភៈ ឆ្នាំ ២០១៦។

៣. តារាសម្ដែង Rain និងភរិយា Kim Tae Hee

គូស្នេហ៍១គូនេះនឹងក្លាយជាឪពុកម្ដាយកូនដំបូងរបស់ខ្លួន នៅពេលឆាប់ៗខាងមុខនេះហើយ។

៤. តារាសម្ដែង Lee Si Young

ចំណែកតារាស្រីរូបនេះវិញ បានបង្ហាញព័ត៌មានពីការមានទម្ងន់របស់នាង តាមរយៈបណ្ដាញសង្គមផ្ទាល់ខ្លួនទៅដល់អ្នកគាំទ្រទាំងអស់ កាលពីថ្ងៃទី ១៣ ខែកក្កដា Si Young ដោយបានបង្ហើបថាខ្លួនពពោះរយៈពេល ១៤សប្ដាហ៍ហើយ ហើយក៏នឹងគ្រោងរៀបការនៅពេលឆាប់ៗនេះហើយ ក្នុងអំឡុងរដូវស្លឹកឈើជ្រុះ៕

ចុចអាន៖

អត្ថបទ៖ យី សុធារី