Nikon D5 ៥៣​ គ្រឿង​តម្លៃ ៣៤ ៤៥០០ ដុល្លារ​ត្រូវ​បាន NASA កម្មង់​​ទិញ​​​ខ្ទេច​

  • 2017-08-26 09:35:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ទីភ្នាក់ងារ​អវកាស NASA បាន​កុម្ម៉ង់​កាមេរ៉ា​ប្រភេទ DSLR របស់ Nikon គឺ​ម៉ូឌែល D5 ចំនួន ៥៣​គ្រឿង ដែល​មាន​តម្លៃ ៦៥០០​ ដុល្លារ​ក្នុង​មួយ​គ្រឿង។ ជា​រួម NASA បាន​ចំណាយ​អស់​ប្រហែល ៣៤ ៤៥០០ ដុល្លារ​លើ​ការ​ជាវ​កាមេរ៉ា​ទាំងនេះ ស្រប​ពេល​ដែល​ខ្លួន​មាន​ថវិកា​សរុប​ប្រមាណ​ជា ១៩,៥​ពាន់​លាន​ដុល្លារ។

Nikon បាន​អះអាង​ថា​កាមេរ៉ា​ដែល​លក់​ឲ្យ NASA មិន​មាន​បំពាក់​គ្រឿង Hardware ពិសេស​អ្វី​ឡើយ។ ពួកវា ជា Nikon D5 ដែល​លក់​ទៅ​ឲ្យ​អតិថិជន​របស់​ខ្លួន​ទូទៅ។ ក្រុមហ៊ុន​ដដែល​អះអាង​ថា ការ​សម្រេច​ទិញ​កាមេរ៉ា​របស់​ខ្លួន គឺ​ដោយសារ​តែ​ទំនុក​ចិត្ត​របស់ NASA ទៅ​លើ​ផលិតផល​របស់​ខ្លួន ព្រមទាំង​សមត្ថភាព​ក្នុង​ការ​ស៊ូ​នឹង​បរិយាកាស​ខាង​ក្រៅ។

កាមេរ៉ា Nikon D5 ទាំង​នោះ នឹង​ត្រូវ​ប្រើប្រាស់​សម្រាប់​ការ​ថត​ក្នុង​ការ​ហ្វឹកហាត់​របស់​ក្រុម​អវកាសយានិក នៅ​លើ​ផែនដី និង​ការ​ប្រើប្រាស់​នៅ​លើ​ស្ថានីយ​អវកាស​អន្តរជាតិ (ISS) ទាំង​ក្នុង​ស្ថានីយ និង​ក្រៅ​ស្ថានីយ​ក្នុង​លំហ។

រំឮក​ថា​អង្គការ​​ស្រាវជ្រាវ​ទី​អវកាស​និង​លំហ NASA ក៏​ធ្លាប់​បាន​កម្មង់​​ទិញ​​ម៉ូដែល Nikon D3S ជា​ច្រើន​គ្រឿង​​ដែរ កាលពី​ឆ្នាំ​២០០៩ ដើម្បី​យក​ទៅ​បំបេញ​បេសកម្ម​ឯ​លំហអាកាស​ដូច​គ្នា​ និង​ជា​ម៉ូយ​ដុំ​ Nikon តាំង​ពី​ឆ្នាំ 1971 ក្នុង​​ការ​នាំ​យក​កាមេរ៉ា​និង​ Lens កម្រិត​កំពូល​ទៅ​ចាប់​រូបភាព​​​កាល​ពី​ជំនាន់ Apollo ទី​15 ផង​ដែរ​៕

ចុច​អាន​អត្ថបទ​ពាក់​ព័ន្ធ

ប្រភព៖ petapixel   ប្រែ​សម្រួល៖ រក្សា