តារាចម្រៀង៨រូបល្បីដល់កំពូល តែគ្មានសំណាងបានរៀនថ្នាក់សកលវិទ្យាល័យ

2017-08-28 02:17:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីៗទាំងនេះសុទ្ធតែលះបង់ការសិក្សាថ្នាក់វិទ្យាល័យដើម្បីបន្តអាជីពជាអ្នកចម្រៀងនិងសម្ដែង។ ជាធម្មតាការសិក្សាមិនសូវជារឿងសំខាន់ប៉ុន្មានទេសម្រាប់តារាល្បីៗនៅហូលីវូដ ព្រោះអាជីពជាអ្នកចម្រៀងនិងសម្ដែងអាចរកចំណូលបានរាប់លានដុល្លារឯណោះ ប្រសិនជាជោគជ័យក្នុងអាជីពជាអ្នកសិល្បៈ។

ហើយនេះជាបណ្ដាកំពូលតារាល្បីៗដែលមិនធ្លាប់ចូលមហាវិទ្យាល័យ៖

១. Katy Perry

Katy Perry បញ្ឈប់ការសិក្សានៅវិទ្យាល័យ Don Pueblos High School នៅ Santa Barbara តាំងពីនាងមានអាយុ១៥ឆ្នាំមកម្ល៉េះ ដើម្បីបំពេញក្ដីសុបិនក្លាយជាតារាល្បីមួយរូប។ តារារូបនេះក៏មានវិប្បដិសារីខ្លះដែរមកដល់ពេលនេះ ទោះបីជាខ្លួនទទួលបានជោគជ័យខ្លាំងក៏ដោយ ព្រោះនាងមិនបានបញ្ចប់ការសិក្សាឲ្យបានត្រឹមត្រូវ។

២. Beyonce

ដោយមានកំណើតនិងរីកធំធាត់នៅសហរដ្ឋអាមេរិក Beyonce តែងតែចូលរួមកម្មវិធីប្រកួតប្រជែងផ្នែកច្រៀងនិងរាំតាំងពីនៅក្មេង។ នាងបានបញ្ឈប់ការថ្នាក់វិទ្យាល័យនៅអាយុ១៥ឆ្នាំដើម្បីចូលរួមក្រុមចម្រៀង Destiny's Child ហើយក្រោយមកនាងក៏ក្លាយជាអ្នកចម្រៀងទោលម្នាក់ដែលទទួលបានជោគជ័យខ្លាំងមិនធម្មតា។

៣. Eminem

Eminem ត្រូវបានបោះបង់ចោលដោយឪពុកតាំងពីនៅក្មេង។ ម្ចាស់បទ "Lose Yourself” រូបនេះបានមករស់នៅជាមួយម្ដាយ ហើយមិនបានបញ្ចប់ការសិក្សានៅថ្នាក់វិទ្យាល័យឡើយដោយសារតែគ្រួសារមានស្ថានភាពក្រីក្រខ្លាំងពេក។

៤. Jessica Simpson

Jessica Simpson បានបញ្ឈប់ការសិក្សានៅវិទ្យាល័យ JJ Pearce ខណៈពេលដែលនាងចុះកុងត្រាជាមួយផលិតកម្ម Columbia Records កាលពីអាយុ១៦ឆ្នាំ។ ប៉ុន្តែនាងក៏ទទួលបានវិញ្ញាបនបត្រថ្នាក់វិទ្យាល័យផងដែរ នៅពេលបន្ទាប់។ សព្វថ្ងៃនាងជាតារាចម្រៀងនិងអ្នកច្នៃម៉ូដដ៏ជោគជ័យម្នាក់។

៥. Lindsay Lohan

Lindsay Lohan ត្រូវបង្ខំចិត្តឈប់រៀនថ្នាក់វិទ្យាល័យដោយសារត្រូវថតរឿង "Mean Girls” ពេលនាងមានអាយុត្រឹមតែ១៦ឆ្នាំតែប៉ុណ្ណោះ។ នាងគឺជាតារាម្នាក់ដែលល្បីថាឡើងតុលាការច្រើនដងជាងចូលសាលា។

៦. Britney Spears

Britney Spears ចាកចេញពីវិទ្យាល័យនៅ Kentwood រដ្ឋ Louisiana ដើម្បីចាប់អាជីពជាអ្នកចម្រៀងរហូតបានក្លាយជាតារាដ៏ល្បីមួយរូប។

៧. Avril Lavigne

Avril មានទេពកោសល្យខាងច្រៀងតាំងតែពីនៅក្មេង។ នាងតែងតែច្រៀងក្នុងក្រុមចម្រៀងនៅព្រះវិហារយេស៊ូ ហើយបន្ទាប់មកចូលរួមកម្មវិធីប្រឡងចម្រៀងជាច្រើន។ ត្រឹមអាយុ១៦ឆ្នាំ Avril បានរកឃើញដោយផលិតករ Antonio Reid ហើយក៏ចាកចេញពីវិទ្យាល័យ Napanee District High School។

៨. Paris Hilton

Paris Hilton បានបំពានបទវិន័យជាច្រើនពេលនាងរៀននៅ Connecticut High School ហើយផ្លាស់ប្ដូរទៅសាលាឯកជននៅ New York។ នាងបោះបង់ការសិក្សាពេលមានអាយុ១៧ឆ្នាំ។

ក្រៅពីតារាទាំងនេះក៏នៅមានតារាល្បីៗជាច្រើនទៀតដែលមិនបានចូលរៀនមហាវិទ្យាល័យផងដែរ ដូចជា Simon Cowell, P!nk, 50 Cent, Kanye West, John Mayer និង Christina Aguilera ជាដើម៕

អានអត្ថបទ៖

អត្ថបទ៖ ធារ៉ូ