បះសក់! ក្រោយដឹងគូស្នេហ៍ថ្មីរបស់តួស្រី ចាន់វី និងសង្សារចាស់នាងត្រូវជាអ្វីនឹងគ្នា

2017-08-28 04:01:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងដែលប្រជាជនកម្ពុជាស្គាល់ថាជាតួស្រី "ចាន់វី” ក្នុងរឿង "សុំបេះដូងស្មោះមកវិញ" ត្រូវមហាជនជាច្រើនទទួលស្គាល់ថាជាតារាស្រីម្នាក់ដែលសម្បូរសមត្ថភាពសិល្បៈពេញខ្លួនគួរឲ្យសរសើរ។

ដោយឡែក បកមកជីវិតឯកជនរបស់ Sriti Jha “ចាន់វី” វិញ ថ្មីៗនេះនេះមានព័ត៌មានចុះផ្សាយថា តារាស្រីរូបនេះបានទាក់ទងជាមួយលោក Kunal Karan Kapoor។ នេះជាព័ត៌មានដ៏កក្រើកមួយក្នុងពិភពសិល្បៈឥណ្ឌា ពេលដឹងថា Sriti រកបានស្នេហ៍ថ្មី ក្រោយបែកជាមួយលោក Harshad Chopra ដែលជាអតីតគូស្នេហ៍ និងជាតួសម្ដែងរួមគ្នាក្នុងរឿង សុំបេះដូងស្មោះមកវិញ។ រឹតតែភ្ញាក់ផ្អើលទៅទៀតនោះ គឺមិត្តប្រុសថ្មីរបស់នាង ត្រូវមហាជនស្គាល់ថា ក៏ជាមិត្តល្អម្នាក់ របស់លោក Harshad ដែរ។

Sriti និង Harshad ក្នុងរឿង "សុំបេះដូងស្មោះមកវិញ"

ពាក់ព័ន្ធនឹងរឿងរ៉ាវស្នេហានេះ Sriti និង Kunal ក៏ធ្លាប់ព្យាយាមលាក់បាំងដែរកាលពីពេលកន្លងទៅ ប៉ុន្តែពេលនេះពួកគេសម្រេចទទួលស្គាល់ព័ត៌មាននេះហើយ ខណៈវាមានភាពសុសសាយព្រោងព្រាត។

Kunal និងSriti

*រំឭកពីស្នេហាចាស់ Harshad និង Sriti បន្តិច តារាប្រុសស្រីទាំង ២ បានលង់ស្រឡាញ់គ្នា អំឡុងពេលដែលពួកគេបានសម្ដែងរឿងដ៏ល្បី "សុំបេះដូងស្មោះមកវិញ”។ អតីតគូស្នេហ៍មួយនេះ បានធ្វើការរួមគ្នា រយៈពេលចាង ១ឆ្នាំឯណោះ មុនស្នេហាបានបញ្ចប់។ បើតាមមតិខ្លះបានលើកឡើងថា Harshad ចេះតែមានអារម្មណ៍ថាមិត្តល្អរបស់ខ្លួនហាក់ដូចជាចាប់អារម្មណ៍មកលើ Sriti ក្នុងពេលដែលលោកនិងមិត្តស្រីកំពុងស្រឡាញ់គ្នានៅឡើយ។

Harshad និង Kunal

បើនិយាយពី Kunal និង Sriti វិញ ពួកគេមានមិត្តភ័ក្ដិស្គាល់គ្នាច្រើនណាស់ ហើយជារឿយៗ តែងឃើញអ្នកទាំង ២ ដើរលេង និងសម្រាកលម្ហែកាយជាមួយមិត្តពួកគេទាំងនោះយ៉ាងសប្បាយរីករាយ៕