ក្ដៅៗ! Hoya សម្រេចដើរចេញពីក្រុម INFINITE និងផលិតកម្មហើយ

2017-08-30 02:25:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Hoya តារាចម្រៀងមានប្រជាប្រិយម្នាក់ក្នុងក្រុមចម្រៀងប្រុសកូរ៉េ INFINITE បានសម្រេចឈប់បន្តកុងត្រារបស់ខ្លួនជាមួយផលិតកម្មទៀតហើយ កាលពីថ្មីៗនេះ។

ពាក់ព័ន្ធនឹងព័ត៌មាននេះ ផលិតកម្ម Woollim ក៏បានចេញសារដ៏វែងមួយពីដំណើរចាកចេញរបស់ Hoya ពីក្រុមដែរថា៖

"ជាបឋម ពួកយើងសូមថ្លែងអំណរគុណចំពោះអ្នកគាំទ្រទាំងអស់ ដែលតែងផ្ដល់ក្ដីស្រឡាញ់ដល់ INFINITE។ នេះជាសេចក្ដីថ្លែងការណ៍ជាផ្លូវការមួយទាក់ទងនឹងការបន្តកុងត្រារបស់ក្រុម INFINITE។

ពួកយើង ចង់ជម្រាបថា នៅថ្ងៃទី ០៩ ខែ មិថុនា ឆ្នាំ ២០១៧ កុងត្រារបស់ Hoya សមាជិកក្រុម INFINITE ជាមួយផលិតកម្មបានបញ្ចប់ហើយ។ យើងសុំអភ័យទោសដែលផ្ដល់ដំណឹងសោកស្ដាយនេះទៅកាន់អ្នកគាំទ្រទាំងអស់ ដែលតែងស្រលាញ់ និងលើកទឹកចិត្តយើងគ្រប់ពេល។ កាលពីដើមខែមិថុនា កុងត្រារបស់តារាប្រុសរូបនេះ ជិតមកដល់ពេលបញ្ចប់ទៅហើយ រីឯតារាប្រុស Hoya ក៏បានបញ្ជាក់ពីបំណងជ្រើសរើសវិថីថ្មីដែរ ដើម្បីបំពេញក្ដីស្រមៃរបស់ខ្លួន ហើយខាងផលិតកម្មក៏គោរពទៅតាមការសម្រេចចិត្តរបស់ Hoya ដែរ។"

ក្នុងសារនោះដែរ ផលិតកម្មដែលជាជម្រករបស់ក្រុម INFINITE នេះក៏បានបញ្ជាក់ទៀតដែរថា៖ "Hoya នឹងចាកចេញពីក្រុម INFINITE ប៉ុន្តែសមាជិកផ្សេងទៀតដូចជា Sunggyu, Dongwoo, Woohyun, Sungyeol, L និង Sungjong បានបន្តកុងត្រារបស់ខ្លួនជាថ្មី មានន័យថា ពួកគេនឹងនៅតែជាក្រុម INFINITE គ្រាន់តែមានសមាជិក ៦នាក់ ហើយយើងក៏នឹងគាំទ្រសកម្មភាពរបស់ពួកគេទាំងក្រុម និងការងារជាបុគ្គលដែរ។”

ក្រុម INFINITE កាលនៅសមាជិក ៧នាក់

ជាមួយគ្នានេះដែរ Woollim Entertainment នៅតែសុំទោសដល់អ្នកគាំទ្រខ្លួនម្ដងទៀត ដែលបានចេញសេចក្ដីប្រកាសយឺតយ៉ាវ ដែលធ្វើឲ្យអ្នកគាំទ្រមានការព្រួយបារម្ភក្នុងពេលនេះ។ ចុងបញ្ចប់ផលិតកម្មនេះ ក៏បានសំណូមពរអ្នកគាំទ្របន្តគាំទ្រដល់ក្រុម INFINITE ក៏ដូចជា Hoya ផងដែរ៕

ចុចអាន៖

ប្រភព៖ Allkpop ប្រែសម្រួល៖ យី សុធារី