រំភើប! មិនស្មានថាដើម្បីភរិយា ឈិនឡុង ខំធ្វើរឿងអស្ចារ្យ ១នេះសោះ
- 2017-08-31 03:56:01
- ចំនួនមតិ 0 | ចំនួនចែករំលែក 0
រំភើប! មិនស្មានថាដើម្បីភរិយា ឈិនឡុង ខំធ្វើរឿងអស្ចារ្យ ១នេះសោះ
ចន្លោះមិនឃើញ
អាចនិយាយបានថា នេះជាពេលដ៏កម្របានឃើញថា សម្រាប់តារាសម្ដែងហុងកុងដ៏ល្បី Jackie Chan ឫឈិន ឡុងដែលបើកចំហពីអារម្មណ៍ពិតរបស់ខ្លួនចំពោះភរិយា តាមរយៈរបៀបផ្អែមល្ហែម។
កាលពីថ្ងៃច័ន្ទ ទី ២៨ ខែសីហានេះ តារាប្រុសហុងកុង ឈិនឡុង បានថតបទចម្រៀងដែលខ្លួនបានសរសេរ កាលពីពេលថ្មីៗនេះ មានចំណងជើងថា "Love Is Old” ក្នុងទីក្រុងតៃប៉ិ ដើម្បីទុកជាកាដូដ៏ពិសេសសម្រាប់ឧត្តមភរិយារបស់លោក គឺអតីតតារាសម្ដែង Joan Lin។
អំឡុងពេលថត តារាជើងចាស់រូបនេះបាននិយាយពីចំណងអាពាហ៍ពិពាហ៍ ៣៥ ឆ្នាំ ជាមួយភរិយា ហើយថែមទាំងបានទទួលស្គាល់ថា លោកមិនមែនជាមនុស្សពូកែផ្អែមល្ហែមអ្វីទេ ជាពិសេសក៏មិនសូវធ្វើរឿងបែបរ៉ូមែនទិកដាក់ប្រពន្ធដែរ។ ជាមួយគ្នានោះ ឈិនឡុង បង្ហើបទៀតថា ប្ដីប្រពន្ធលោក កម្រប្រារព្ធខួបអាពាហ៍ពិពាហ៍ ឫក៏រៀបចំកម្មវិធីពិសេសៗណាស់។
ថ្វីត្បិតមិនមែនជាមនុស្សផ្អែមល្ហែម ប៉ុន្តែជានិច្ចកាល ឈិនឡុង តែងជួយទុក្ខធុរៈប្រពន្ធរបស់លោក ដូចជាទ្រប្រពន្ធពេលចុះជណ្ដើរ និងជួយយួរកាបូបឲ្យជាដើម។
ជាក់ស្ដែង កាលពីជាង ១០ឆ្នាំមុន តារាប្រុសវ័យ ៦៣ឆ្នាំរូបនេះ ធ្លាប់ត្រូវភរិយាបដិសេធសំណើរៀបចំពិធីមង្គលការជាថ្មី ដោយអ្នកស្រីនិយាយថា ខ្លួនពេញចិត្តមង្គលការលើកទី ១ហើយ ថ្វីត្បិតពេលនោះ រៀបចំជាលក្ខណៈសាមញ្ញ ហើយលោកស្រីមិនបានស្លៀករ៉ូបឈុតកូនក្រមុំក៏ពិតមែនក៏ដោយ។
គូស្នេហ៍មួយនេះ បានដឹកដៃគ្នាចូលរោងការកាលពីឆ្នាំ ១៩៨២ ហើយក្នុងឆ្នាំនោះដែរ ពួកគេក៏ទទួលបានកូនប្រុសម្នាក់ គឺតារាសម្ដែង Jaycee៕