ខ្សែប្រយុទ្ធវៀតណាម៤រូបនេះនឹងធ្វើព្យុះភ្លៀងខ្លាំងថ្ងៃប៉ះកម្ពុជា

2017-09-01 02:45:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិវៀតណាមបានត្រៀមខ្សែប្រយុទ្ធឆ្នើមរបស់គេចំនួន ៤រូប ដើម្បីត្រៀមតទល់ជាមួយកម្ពុជានាថ្ងៃទី៥ ខែកញ្ញា ឆ្នាំ២០១៧ ក្នុងការប្រកួតវគ្គជម្រុះពានរង្វាន់ 2019 AFC Asian Cup នៅពហុកីឡដ្ឋានជាតិ។

បើតាមសម្ដីលោក Mai Duc Chung គ្រូបង្វឹកថ្មីរបស់វៀតណាមបានបង្ហាញថា ខ្សែប្រយុទ្ធរបស់វៀតណាមដែលត្រៀមប៉ះកម្ពុជាគឺមាន Cong Phuong, Mac Hong Quan, Duc Chinh និង Van Quyet ។ លោកបានបង្ហាញការតាំងចិត្តថា នឹងរកវិធីសាស្ត្រយ៉ាងណា ដើម្បីបំប៉ោងសំណាញ់ទីកម្ពុជាឲ្យបាន។

អ្វីដែលធ្វើឲ្យក្រុមជម្រើសជាតិវៀតណាមព្រួយបារម្ភគឺការប្រកួតធ្វើឡើងនៅកម្ពុជា ហេតុនេះលោកគិតថា ម្ចាស់ផ្ទះនឹងអាចមានប្រៀបជាង។ ខណៈពីរប្រកួតកន្លងមករបស់កម្ពុជាទៀតសោតគឺយកឈ្នះ អាហ្វហ្គានីស្ថាន ហេតុនេះលោកយល់ថា កម្ពុជាមិនមែនជាក្រុមខ្សោយឡើយ។

សូមបញ្ជាក់ថា ២ប្រកួតកន្លងមករបស់ក្រុមទាំងពីរគឺកម្ពុជាឈ្នះ១ និងចាញ់ ១ហ្សកដានី ៧-០ ខណៈ វៀតណាម ពីរប្រកួតស្មើ អាហ្វហ្គានីស្ថាន ១-១ នៅដីអាហ្វហ្គានីស្ថាន និងស្មើ ហ្សកដានី ១-១ នៅដីវៀតណាម៕