ធ្លាប់ដឹងទេ តារាហូលីវូដទាំងនេះគឺជាអ្នកបញ្ចូលសំឡេងតួអង្គតុក្កតាល្បីៗ

2017-09-01 03:44:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបញ្ចូលសំឡេងក្នុងរឿងតុក្កតាគឺជាការសម្ដែងដ៏ពិសេសមួយ។ ទោះបីជាយើងមិនបានឃើញមុខពិតប្រាកដរបស់តារាទាំងនោះក៏ដោយ ក៏យើងនៅតែអាចសម្គាល់ដឹងថាពួកគេគឺដូចជាសម្ដែងក្នុងរឿងទាំងនោះអីចឹងដែរ គ្រាន់តែបង្ហាញដោយតួអង្គតុក្កតាទាំងការនិយាយ លើកដាក់សំឡេងនិង ព្រមទាំងកាយវិការផងដែរ។

នេះជាឧទាហរណ៍តួអង្គតុក្កតាទាំង១២ ដែលមានតារាហូលីវូដល្បីៗបញ្ចូលសំឡេង៖

១៣. តួអង្គ Draculaពីក្នុងរឿង “Hotel Transylvania”

តួអង្គនេះសម្ដែងនិងបញ្ចូលសំឡេងដោយលោក Adam Sandler ដែលជាសំឡេងដ៏ល្អមួយនិងសាកសមខ្លាំង។ ជាមួយនឹងតុងនិយាយតាមបែប Transylvanian ធ្វើឲ្យសំឡេងរបស់លោកសឹងតែចំណាំមិនបាន ប៉ុន្តែដោយសារកាយវិការនិងការលើកដាក់សំឡេងធ្វើឲ្យគេចំណាំបានថានេះប្រាកដជាស្នាដៃរបស់លោក Sandler។

១២. តួអង្គ Olafពីក្នុងរឿង “Frozen”

Josh Gad ជាអ្នកបញ្ចូលសំឡេងតួអង្គមនុស្សទឹកកកចិត្តល្អមួយដែលតែងតែសុបិនពីរដូវក្ដៅ ហើយតួអង្គនេះវិះនឹងគេកាត់ចេញពីក្នុងរឿងទៅហើយ។ នេះអាចបំផ្លាញក្ដីសុបិនលោកតាំងពីកុមារភាពដើម្បីសម្ដែងក្នុងរឿង Disney តែទីបំផុតលោកក៏អាចចូលរួមសម្ដែងបានសម្រេច។

១១. តួអង្គ Po ពីក្នុងរឿង “Kung Fu Panda”

លោក Jack Black សារភាពថាតួអង្គ Po នេះគឺជាតួអង្គដែលគាត់ពេញចិត្តបំផុត។ លោកបាននិយាយថាពេលសម្ដែងតួអង្គនេះគឺដូចជាសម្ដែងអារម្មណ៍ពេលខ្លួនឯងនៅក្មេងអីចឹងដែរ។

១០. តួអង្គ Dory ពីក្នុងរឿង “Finding Dory”

Ellen DeGeneres ពិតជាចូលចិត្តតួអង្គនេះខ្លាំងព្រោះនាងតែងតែរំលឹកអំពីតួអង្គនេះតាំងពីក្នុងរឿង “Finding Nemo” នៅក្នុងកម្មវិធីរបស់នាង The Ellen Show ទីបំផុតនាងក៏បានសម្ដែងជាតួអង្គនេះម្ដងទៀតក្នុងរឿង "Finding Dory”។

៩. តួអង្គ Maui ពីក្នុងរឿង “Moana”

តារាសម្ដែង Dwayne Johnson មិនត្រឹមតែបញ្ចូលសំឡេងបានល្អសម្រាប់តួអង្គនេះទេ លោកព្រមទាំងច្រៀងទៀតផង ដែលធ្វើមនុស្សជាច្រើនភ្ញាក់ផ្អើលនឹងសមត្ថភាពច្រៀងរបស់លោក។

៨. តួអង្គ Rositaពីក្នុងរឿង “Sing”

តួអង្គដ៏គួរឲ្យស្រលាញ់មួយនេះគឺបញ្ចូលសំឡេងដោយ Reese Witherspoon។ ដំបូងតារារូបនេះមិនប្រាកដថាខ្លួនអាចច្រៀងបានល្អនោះទេ ប៉ុន្តែទីបំផុតនាងក៏អាចសម្ដែងគ្រប់ឈុតឆាកបានយ៉ាងល្អ។

៧. តួអង្គ Lightning McQueenពីក្នុងរឿង “Cars”

លោក Owen Wilson ដែលជាអ្នកបញ្ចូលសំឡេងសម្រាប់តួអង្គឯង Lightning McQueen ក៏សារភាពថាតួអង្គនេះគឺជាតួអង្គដែលលោកពេញចិត្តបំផុត។ លោកពេញចិត្តបញ្ចូលសំឡេងលោកសម្រាប់តួអង្គនេះក៏ដូចជាបញ្ចូលលក្ខណៈចរិតផ្ទាល់ខ្លួនខ្លះៗផងដែរ។

៦. តួអង្គ Flash ពីក្នុងរឿង “Zootopia”

តារាសម្ដែង Raymond Persi ត្រូវបានគេហៅដើម្បីធ្វើតេស្តសំឡេងសម្រាប់តួអង្គនេះ លោកធ្លាប់គិតថាគេនឹងតម្រូវឲ្យលោកនិយាយយឺតៗដូចជាសត្វ Sloth ប៉ុន្តែតាមពិតលោកគ្រាន់តែត្រូវផ្អាកនិយាយចន្លោះពាក្យនីមួយៗប៉ុណ្ណោះ តែបើសិនជាមើលរឿងហ្នឹងហើយក៏នៅតែតឹងចិត្តដែរ។

៥. តួអង្គ Snowballពីក្នុងរឿង “The Secret Life of Pets”

Kevin Hart ពេញចិត្តបញ្ចូលសំឡេងតួអង្គនេះណាស់។ លោកបាននិយាយថាតួអង្គនេះផ្ដល់ឲ្យលោកនូវអារម្មណ៍រំភើបចម្លែក ដូច្នេះហើយលោកមិនបានគិតច្រើនទេមុននឹងយល់ព្រមបញ្ចូលសំឡេងតួអង្គនេះ។

៤. តួអង្គ Joy ពីក្នុងរឿង “Inside Out”

Amy Poehler ពេញចិត្តបញ្ចូលសំឡេងតួអង្គនេះបន្ទាប់ពីនាងបានអានប៉ារ៉ូល(Script) រឿងនេះហើយ។ ហើយនាងពិតជាធ្វើបានល្អខ្លាំងណាស់ ព្រោះមនុស្សជាច្រើនស្រលាញ់ពេញចិត្តតួអង្គនេះណាស់។

៣. តួអង្គ Poop ពីក្នុងរឿង “The Emoji Movie”

លោក Patrick Stewart បានបញ្ចូលសំឡេងឲ្យ Poop Emoji ក្នុងរឿង "The Emoji Movie”។ រឿងនេះគឺជារឿងដែលត្រូវគេមាក់ងាយជាខ្លាំងថាជារឿងមួយដែលគ្មានគំនិតច្នៃប្រឌិត។

២. តួអង្គ Boss Baby ពីក្នុងរឿង “The Boss Baby”

តារាសម្ដែង Alec Baldwin បានបញ្ចូលសំឡេងឲ្យតួអង្គទារកក្នុងរឿង "The Boss Baby” ធ្វើឲ្យគេចាប់អារម្មណ៍ជាខ្លាំង។ ជាមួយនឹងរូបរាងដ៏គួរស្រលាញ់របស់ទារកដែលជាតួអង្គនិងសំឡេងរបស់លោក Alec គឺពិតជាផ្ទុយគ្នាខ្លាំង ប៉ុន្តែវាក្លាយជារឿងដ៏ល្អនិងអស់សំណើចមួយ។

១. តួអង្គ Kaa ពីក្នុងរឿង “The Jungle Book”