ទីផ្សារដោះដូរចុងក្រោយដ៏ក្ដៅគគុកយប់មិញនៅ EPL ក្លឹបណាទិញបាននរណាខ្លះ?

2017-09-01 04:33:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរនៅក្របខ័ណ្ឌPremier League បានបិទជាស្ថាពរហើយកាលពីយប់មិញ។ ទន្ទឹមគ្នានោះក្លឹបមួយចំនួនក្នុងលីគបានដុតដៃដុតជើងយ៉ាងខ្លាំងក្លាយដើម្បីនាំយកកីឡាករដែលខ្លួនចង់បាន។ មើលទាំងអស់គ្នា តើក្លឹបណាខ្លះជោគជ័យនិងបរាជ័យក្នុងការផ្ទេរកីឡាករ?

១. Tottenham Hotspur ទិញបាន Fernando Llorente ពី Swansea City ក្នុងតម្លៃខ្លួន១២លានផោន ផ្ដល់កិច្ចសន្យា២ឆ្នាំ។

២. Renato Sanches ត្រូវបាន Swansea City ខ្ចីជើងពី Bayern Munich។

៣. Alex Oxlade-Chamberlain យកព្រមចេញពី Arsenal មកចូលរួមជាមួយ Livepool ក្នុងតម្លៃខ្លួន៣៥លានផោន ជាមួយកិច្ចសន្យា៥ឆ្នាំ។

៤. Everton យល់ព្រមផ្ទេរកីឡាករក្រូអាតវ័យក្មេង Nikola Vlasic ពីក្រុម Hadjuk Spli តម្លៃខ្លួន៨លានផោន។

៥. តោខៀវ Chelsea សម្រេចផ្ទេរយក Danny Drinkwater វ័យ២៧ឆ្នាំពីក្រុម Leicester City ក្នុងតម្លៃខ្លួន៣៥លានផោន និងផ្ដល់កុងត្រា៥ឆ្នាំ។

៦. ខ្សែការពារអ៊ីតាលី Davide Zappacosta យល់ព្រមចាកចេញពី Torino មកចូលរួមជាមួយ Chelsea ក្នុងតម្លៃខ្លួន២៨លានអឺរ៉ូ។

៧. Tottenham Hotspur ទិញបានខ្សែការពារស្ដាំពី PSG កីឡាករ Serge Aurier ក្នុងតម្លៃខ្លួន២៣លានផោន។

៨. កីឡាករ Grzegorz Krychowiak សម្រេចចិត្តចេញពី PSG មករួម West Bromwich Albion ក្នុងតម្លៃ៣៤លានផោន។

៩. Mamadou Sakho ផ្ទេរទៅ Crystal Palace តម្លៃខ្លួន២៦លានផោន។

កីឡាករបរាជ័យក្នុងការផ្ទេរ

១. កីឡាករឈីលី Alexis Sanchez មិនអាចចាកចេញពី Arsenalបានទេ បន្ទាប់ពីមានការដាក់សំណើរ៦០លានផោនពីក្រុមអ្នកមាន Manchester City។ មូលហេតុដោយសារកាំភ្លើងធំបរាជ័យក្នុងផ្ទេរយក Thomas Lemar ពី Monaco ដែលជាបេក្ខជនសម្រាប់ជំនួសតំណែង Sanchez។