ក្មេងលេងវីដេអូហ្គេមច្រើនពេក អាចមានបញ្ហាដែរទេ?
- 2017-09-03 07:19:48
- ចំនួនមតិ 0 | ចំនួនចែករំលែក 0
ក្មេងលេងវីដេអូហ្គេមច្រើនពេក អាចមានបញ្ហាដែរទេ?
ចន្លោះមិនឃើញ
ចំពោះចម្លើយគឺមាន។ ការដែលលេងវីដេអូហ្គេមច្រើនពេកអាចមានឥទ្ធិពលអវិជ្ជមានចំពោះក្មេងតូចៗយ៉ាងច្រើនរបៀបដូចជា៖
ក្មេងដែលចំណាយពេលច្រើននៅមុខកុំព្យូទ័រមានន័យថា ពួកគេកំពុងតែខកខានលើសកម្មភាពផ្សេងៗដែលតម្រូវឲ្យប្រើប្រាស់រាងកាយចូលរួមក្នុងសង្គម ភាពវ័យឆ្លាត និងការលូតលាស់ខាងអារម្មណ៍ស្មារតី។ ការចំណាយពេលដែលនៅមុខកុំព្យូទ័រអាចនឹងធ្វើឲ្យគេខកខានការលេងជាមួយមិត្តភក្តិ អានអក្សរ ឬធ្វើការងារអ្វីមួយជាមួយឪពុកម្តាយ និងសកម្មភាពផ្សេងៗទៀតបាន។
ក្មេងច្រើនតែលេងវីដេអូហ្គេមតែម្នាក់ឯង និងចំណាយពេលនៅតែម្នាក់កាន់តែច្រើនដើម្បីចេញឆ្ងាយពីសង្គមទៅវិញ។
ក្មេងដែលមើលទូរទស្សន៍ច្រើនជាង ១០ម៉ោងក្នុងមួយសប្តាហ៍គឺមិនអាចបំពេញការងារបានល្អក្នុងសាលារៀនដូចក្មេងដែលមើលតិចជាងនេះទេ។ នៅពេលកំណត់ពេលវេលា យកល្អគួរតែពិចារណាទៅលើចំនួនពេលវេលាសរុបដែលកូនអាចំណាយពេលនៅជាមួយឧបករណ៍អេឡិចត្រូនិចគ្រប់ប្រភេទផងដូចជា ទូរទស្សន៍ កុំព្យូទ័រ ឬមើលកុនជាដើម។
ទម្លាប់អាក្រកអាចនឹងជ្រួលជ្រាបក្នុងខ្លួនគេ ហើយក៏ពិបាកនឹងកែប្រែទម្លាប់នេះនៅពេលគេធំឡើងដែរ។ (ជាពិសេសក្មេងប្រុសដែលចំណាយពេល ៩,៥ម៉ោងកន្លះជារៀងរាល់សប្តាហ៍ទៅលើការលេងហ្គេម និងកុំព្យូទ័រហ្គេម ឬឧបករណ៍អេឡិចត្រូនិចផ្សេងៗទៀត)។
បើសិនជាកូនលេងហ្គេមដែលមានលក្ខណៈជាហឹង្សាជាទៀងទាត់ គេអាចនឹងប្រឈមខ្ពស់នឹងអាកប្បកិរិយាឆេវឆាវកាន់តែខ្លាំងផងដែរ។
យកល្អគួរតែចាំថា វីដេអូ និងកុំព្យូទ័រហ្គេមមិនមែនសុទ្ធតែមិនល្អទាំងអស់ណោះទេ។ ហ្គេមដែលមានតម្លៃ និងគុណភាពត្រឹមត្រូវនឹងផ្តល់ឲ្យកូនអ្នកមានឱកាសអនុវត្តវិធីដោះស្រាយបញ្ហា និងជំនាញតក្កវិទ្យាយ៉ាងល្អ។ វានឹងជួយបង្កើនជំនាញនៃការធ្វើចលនា និងការសម្របសម្រួល ព្រមទាំងបង្កើនការចាប់អារម្មណ៍លើវិស័យព័ត៌មានវិទ្យាថែមទៀតផង។
ហើយបើសិនជាអ្នកកំពុងតែលេងហ្គេមជាមួយកូន គេអាចផ្តល់នូវពេលវេលាម្តងម្កាលនៅជាមួយអ្នកបានហើយ។ អ្វីដែលល្អបំផុតដែលអ្នកអាចធ្វើបាគឺកាត់បន្ថយពេលវេលាលេងហ្គេមរបស់គេ ខណៈពេលដែលគេនៅក្មេងនៅឡើយ។ លើសពីនេះទៀត ចូរជ្រើសរើសហ្គេមដែលល្អៗប្រកបដោយភាពឆ្លាតវ៉ៃ ដើម្បីបង្កើនសមត្ថភាពល្អៗដល់កូន និងកុំឲ្យមានអ្វីមិនល្អកើតឡើងពេលគេលេងហ្គេមនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
