គូស្នេហ៍ Song-Song ផ្អែមល្ហែមជាមួយគ្នានៅអាមេរិក ជា Pre-Wedding ទេដឹង?

2017-09-04 06:04:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ អ្នកគាំទ្រមានការភ្ញាក់ផ្អើលជាខ្លាំង ពេលបានឃើញរូបភាពដ៏កម្រមួយរបស់អនាគតគូស្វាមីភរិយាតារាកូរ៉េដ៏ល្បី Song Joong Ki និង Song Hye Kyo នៅព្រលានយន្តហោះជាមួយគ្នា។

ខាងផលិតកម្មទាំងសងខាង បានបង្ហើបថា គូស្នេហ៍មួយនេះបានឆ្ពោះដំណើរទៅកាន់ ទីក្រុង Los Angeles ដោយសារពាក់ព័ន្ធនឹងកិច្ចការផ្ទាល់ខ្លួន៖ "វាជាការពិតដែល Song Joong Ki បានចាកចេញទៅកាន់ទីក្រុង Los Angeles សហរដ្ឋអាមេរិក កាលពីថ្ងៃទី ០៣។ ការពិត វាមិនជាប់ពាក់ព័ន្ធនឹងការងារសិល្បៈទេ ប៉ុន្តែជាកិច្ចការផ្ទាល់ខ្លួនរបស់លោក”។ នេះបើតាមផលិតកម្ម Blossom បានបង្ហាញ។

រីឯក្រុមហ៊ុន United Artist Agency វិញ ក៏បានលើកឡើងមិនខុសពីផលិតកម្ម Blossom ដែរ។ បើតាមសារព័ត៌មានជាច្រើនបានចុះផ្សាយថា ដំណើរកម្សាន្តមួយនេះ អាចជាវិស្សមកាល Pre-Wedding របស់គូស្នេហ៍មួយគូនេះ ព្រោះនៅសល់តែជាង ១ខែទេដែលពួកគេនឹងរៀបអាពាហ៍ពិពាហ៍ជាមួយគ្នាហើយ ដូចនេះ អាចជាពេលវេលាដ៏ត្រឹមត្រូវដែល ពួកគេត្រូវត្រៀម Pre-Wedding។

ដោយឡែករំឭកទៅមុនពេលដែលតារាប្រុសស្រីទាំង ២ប្រកាសពីទំនាក់ទំនងរបស់ខ្លួនវិញ ពួកគេ ត្រូវធ្វើដំណើរក្នុងយន្តហោះផ្សេងគ្នា ខុសពីលើកនេះដែលត្រូវជិះយន្តហោះតែមួយលែងលាក់បាំងដូចមុនហើយ។

តាមរយៈទំនាក់ទំនងជាគូនេះ បានធ្វើឲ្យអ្នកគាំទ្រមានអារម្មណ៍រីករាយ សប្បាយចិត្តពេលឃើញគូស្នេហ៍តារាសំណព្វចិត្តរបស់ខ្លួន ទៅណាមកណាជាមួយគ្នា ដោយបើកចំហយ៉ាងដូចនេះ មុនថ្ងៃចូលរោងការ ដែលនៅសល់ពេលមិនយូរប៉ុន្មានឡើយ៕