ចប់! អាមេរិកដកក្រុមហ៊ុននាំចេញចំណីអាហារវៀតណាមជាង ១០០០ ព្រោះហេតុផលនេះ

2017-09-06 08:16:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុននាំចេញវៀតណាមជាង ១ ០០០ ត្រូវបានដកចេញពីបញ្ជីនាំចូលរបស់អាមេរិកហើយ បន្ទាប់ពីបរាជ័យក្នុងការចុះបញ្ជី។ ក្រុមហ៊ុនទាំងនោះភាគច្រើនទំនងជាមិនបានដឹងអំពីច្បាប់រឹតបន្តឹងថ្មីរបស់អាមេរិក។

យោងទៅតាមប្រធានក្រុមហ៊ុនស្រូវអង្ករ Trung An Rice លោក Pham Thai Binh បានបញ្ជាក់ថា "យើងបាននាំអង្ករចេញទៅសហរដ្ឋអាមេរិករយៈពេល ៣ឆ្នាំហើយ។ ប៉ុន្តែយើងមិនមានកុងត្រាទេឆ្នាំនេះ។ ដោយសារការផ្លាស់ប្ដូរបទបញ្ញត្តិលើអនាម័យចំណីអាហារ ក្រុមហ៊ុននាំចូលអាមេរិកប្រហែលជាឈប់ទទួលទិញហើយ"។

ក្នុងរយៈពេល ៧ខែចុងក្រោយ ក្រសួងចំណីអាហារ និងឱសថអាមេរិក (FDA) បានចេញសេចក្ដីព្រមានចំនួន ៣២ ប៉ុន្តែក្រុមហ៊ុនវៀតណាមមិនបានអើពើនឹងការផ្លាស់ប្ដូរគោលការណ៍នោះឡើយ។

ក្រុមហ៊ុនវៀតណាមជាង ១ ០០០ មិនបានបំពេញនីតិវិធីសម្រាប់បន្ថែមសុពលភាពទេ ដូច្នេះពួកគេមិនត្រូវបានរាប់បញ្ចូលក្នុងបញ្ជីក្រុមហ៊ុននាំចូលសហរដ្ឋអាមេរិកឡើយ។ លោកបានព្រមានថា ការខ្វះការយល់ដឹងអំពីនីតិវិធីថ្មី អាចធ្វើឲ្យការនាំចេញផលិតផលកសិកម្ម និងចំណីអាហារវៀតណាមធ្លាក់ចុះយ៉ាងខ្លាំងទៅកាន់ទីផ្សារអាមេរិក។

វៀតណាមជាដៃគូនាំចេញផលិតផលកសិកម្មធំបំផុតមួយក្នុងចំណោម ១៥ ប្រទេសរបស់អាមេរិក ដោយក្នុងឆ្នាំ ២០១៦ វៀតណាមបាននាំចេញត្រី ក្ដាម និងបង្គា គិតជាទឹកប្រាក់ប្រមាណ ១,៤ពាន់លានដុល្លារ។

ឥឡូវ ច្បាប់នេះបានចូលជាធរមាន វាកាន់តែពិបាកដល់ក្រុមហ៊ុននាំចេញ។ ច្បាប់នេះត្រូវបានគេចាត់ទុកថា បានធ្វើកំណែទម្រង់រឹតបន្តឹងសុវត្ថិភាពចំណីអាហារខ្លាំងបំផុតក្នុងរយៈពេល ៧០ឆ្នាំចុងក្រោយ៕