កាន់តែកក្រើក iPhone 8 នឹងបង្ហាញខ្លួននៅទីស្នាក់ការថ្មីរបស់ Steve Jobs

2017-09-12 11:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិភពលោកកំពុងចាំតាមដានព្រឹត្តិការណ៍សំខាន់បំផុតរបស់ក្រុមហ៊ុន Apple ដែលនឹងបញ្ចេញ iPhone 8, iPhone 8 Plus និង iPhone X ផលិតផលគំរប់១០ឆ្នាំនៃ iPhone បន្ទាប់ពី Steve Jobs បានបង្ហាញដំបូងកាលពីឆ្នាំ ២០០៧ ធ្វើឱ្យពិភពលោកភ្ញាក់ផ្អើលម្តងរួចមកហើយ។

Steve Jobs Theater

iPhone ជំនាន់ថ្មីទាំង៣ម៉ូឌែលខាងលើនឹងត្រូវបង្ហាញនៅរោងមហោស្រពរបស់ Steve Jobs (Steve Jobs Theater) ដែលមានកៅអីទស្សនា ១០០០ កន្លែងធ្វើពីស្បែកដែលក្រុមហ៊ុនចាយលុយ ១៤ ០០០ ដុល្លារឯទីស្នាក់ការថ្មីរាងកងរង្វង់មូលគឺ Apple Park នៅទីក្រុង Cupertino រដ្ឋកាលីហ្វ័រញ៉ា ។

ក្រៅពីនេះក្រុមហ៊ុនក៏បង្ហាញនាឡិការឆ្លាតវៃជំនាន់ទី ៣ Apple Watch 3 និងទូរទស្សន៍ Apple TV កម្រិត 4K ទៀតផង ។ រោងមហោស្រពនេះនឹងដាក់ឈ្មោះថា Steve Jobs Theater ពោលគឺដើម្បីគោរពដល់ការចងចាំរបស់លោក Steve Jobs និងឥទ្ធិពលដ៏អស្ចារ្យមកលើ Apple និងពិភពលោក ។

ដោយឡែកទីស្នាក់ការថ្មី Apple Park ដែលមិនទាន់បញ្ចប់ការសាងសង់នៅឡើយមានទំហំ ៧១ ហិកតានឹងជំនួសទីស្នាក់ការដំបូងនៅផ្លូវ Infinite Loop ក្នុងក្រុង Cupertino និងរដ្ឋកាលីហ្វ័រញ៉ាដែលបើកកាលពីឆ្នាំ ១៩៩៣។

iPhone 8, iPhone X និង iPhone 8 Plus

គួរបញ្ជាក់ថា ក្រុមហ៊ុន Apple គ្រោងនឹងនាំបុគ្គលិករបស់ខ្លួនជាង ១២ ០០០ នាក់ទៅកាន់ទីស្នាក់ការថ្មី Apple Park បន្ទាប់ពីសង់រួចរាល់នៅចុងឆ្នាំនេះដែលគ្រោងចាយលុយដ៏ច្រើនសន្ធឹកសន្ធាប់ ៥ ប៊ីលានដុលារឯណោះ ។ ទីស្នាក់ការថ្មីនេះនឹងប្រើប្រាស់ថាមពលកកើតឡើងវិញ ១០០% និងបំពាក់ដំបូលសូឡាកម្លាំង ១៧ មេហ្កាវ៉ាត់ហើយវានឹងក្លាយជាការដំឡើងបន្ទះសូឡាធំជាងគេលើអគារក្នុងលោក៕

ចុចអានអត្ថបទបន្ត៖

ប្រភព៖ Indian Express ប្រែសម្រួល៖ សិរីបុទ្រ