របៀបធ្វើឲ្យ iPhone ចាស់ៗ ដើរលឿនដូចថ្មី

2017-09-14 02:23:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ប្រិយមិត្តដែលកំពុងប្រើប្រាស់ iPhone ប្រាកដជាដឹងហើយថា កាលណាប្រើប្រាស់យូរទៅ វានឹងមានដំណើរការយឺតខុសធម្មតា ព្រោះការដំឡើងកម្មវិធី ឬផ្ទុករូបភាព និងរក្សាទុកបទចម្រៀងច្រើនពេក ហើយនៅមានកត្តាផ្សេងទៀត ដែលធ្វើឲ្យអង្គផ្ទុកទិន្នន័យ iPhone កាន់តែតូច។ ដោយឡែក ប្រសិនបើអ្នកយល់ថា iPhone អ្នកយឺតជាងធម្មតា អ្នកអាចពិនិត្យមើលវិធីសាស្ត្រខាងក្រោម សម្រាប់ជួយធ្វើឲ្យ iPhone មានដំណើរការប្រសើរជាងមុន ប៉ុន្តែវានឹងមិនលឿនខ្លាំងនោះទេ ជាពិសេសលើ iPhone ជំនាន់ចាស់ខ្លាំងដូចជា iPhone 4 ឬក្រោមនេះ។

១. ត្រួតពិនិត្យ iOS សម្រាប់កំណែទម្រង់ថ្មី

អ្នកគួរធ្វើការ Update iOS ឲ្យបានទៀងទាត់ ព្រោះកំណែទម្រង់ថ្មីៗ Apple បានដោះស្រាយនូវបញ្ហាមួយចំនួនដែលមាននូវជំនាន់មុនៗ។ មួយវិញទៀត សម្រាប់ iPhone ស៊េរីចាស់ៗ អាចនឹងយឺតជាងមុនសម្រាប់ការ Update កំណែទម្រង់ថ្មី ដូច្នេះអ្នកគួរដឹងថាតើ iPhone របស់អ្នកអាច Update បានដល់ជំនាន់ប៉ុន្មានទើបមិនយឺត (អ្នកអាចពិនិត្យមើលព័ត៌មានពី អ្នកដែលបាន Update មុនសម្រាប់កំណែទម្រង់ថ្មី)។ ក្នុងការ Update អ្នកចូលទៅកាន់ Settings > General > Software update > វានឹងលោតឲ្យអ្នក Update ក្នុងករណីមានជំនាន់ថ្មី។

២. បិទចោលកម្មវិធីដែលបានបើកទាំងអស់

អ្នកគួរបិទចោលនូវរាល់កម្មវិធីដែលអ្នកបានបើក តែមិនទាន់បិទទាំងស្រុង ដោយចុចពីរដងលើប៊ូតុង Home > អ្នកនឹងឃើញកម្មវិធីមួយចំនួនដែលបានបើក > ប្រសិនបើមាន អ្នកអាចអូសឡើងលើចោលបាន។

៣. Restart iPhone

អ្នកអាចសំអាតនូវអង្គចងចាំ និងអាចជួសជុលកម្មវិធីមួយចំនួនដែលដើរមិនប្រក្រតីដោយធ្វើការ Restart iPhone របស់អ្នក។ អ្នកអាចចុចប៊ូតុង Sleep ឲ្យជាប់ រហូតដល់វាបង្ហាញផ្ទាំង Power Off slider រួចអូសដើម្បីបិទ។ ពេលបិទបាន ១០ វិនាទី បើក iPhone ឡើងវិញដោយចុចប៊ូតុង Sleep ឲ្យជាប់ប្រហែលជា ៥ វិនាទី។ អ្នកនឹងឃើញផ្ទាំងខ្មៅជាមួយនឹង icon របស់ Apple បន្ទាប់មករង់ចាំបន្តិច។ អ្នកគួរអនុវត្តម្ដងម្កាល។

៤. លុបកម្មវិធីចោលខ្លះ

អាចលុបចោលកម្មវិធីមួយចំនួនដែលមិនចាំបាច់ ដោយចូលទៅកាន់ Settings > General > Storage & iCloud Usage បន្ទាប់មកចុចលើ Manage Storage នៅខាងក្រោម Storage។ អ្នកនឹងឃើញបញ្ជីនូវកម្មវិធីជាមួយនឹងព័ត៌មានពីទំហំដែលកម្មវិធីបានប្រើប្រាស់ ប្រសិនបើអ្នកចង់លុប គឺអាចចុចលើឈ្មោះកម្មវិធីនោះ រួចជ្រើសរើស Delete App។ អ្នកក៏អាចលុបលើ Home screen តែម្ដងដោយចុចលើ icon របស់កម្មវិធីណាមួយ ឲ្យជាប់ អ្នកនឹងឃើញ icon កម្មវិធីទាំងអស់មានអក្សរ X នៅខាងលើ លើកលែងកម្មវិធីរបស់ System ហើយដើម្បីលុប អ្នកគ្រាន់តែចុចលើ អក្សរ X នោះ។

៥. លុបចោលនូវ Safari cookies និង Data

គួរសំអាតនូវ Data និង Cookies របស់កម្មវិធី Safari ដើម្បីបន្ថយការប្រើប្រាស់លើអង្គចងចាំបានមួយចំនួន ដោយបើកនូវកម្មវិធី Settings រួចអូសចុះក្រោមស្វែងរក Safari រួចចុចលើវា។ នៅទីនោះអ្នកអាចជ្រើសរើស Clear History and Website Data។ ចងចាំថា ក្រោយអ្នកសំអាតរួចកម្មវិធី Safari នឹងមានដំណើរការដូចថ្មីអញ្ចឹង។

៦. បិទ Process ផ្សេងៗក្នុង Background ដោយស្វ័យប្រវត្តិ

ការបិទមុខងារស្វ័យប្រវត្តិនឹងអាចជួយរក្សាឲ្យ iPhone មានដំណើរការលឿន និងជួយពង្រីកអាយុជីវិតថ្មផងដែរ។ ចាប់ផ្តើមពីការបិទនូវ Automatics Downloads ដោយចុចលើកម្មវិធី Settings > Profile នៅខាងលើគេ > iTunes & App Store > រួចធ្វើការបិទរាល់ការ Automatic Downloads។ បន្ទាប់មក បិទនូវ Background App Refresh ដោយចុចលើកម្មវិធី Settings > General > Background App Refresh ហើយបិទនូវ Background App Refresh។ អ្នកមិនត្រូវការ Process ទាំងនេះសម្រាប់ដំណើរការនៅក្នុង Background នោះទេ ក្រោយអ្នកបិទអ្នកនឹងអាចចាប់អារម្មណ៍លើការប្រើប្រាស់បានយូរ និងបង្កើន Performance ផងដែរ។

៧. បន្ថយ Graphic

iOS 7 បានណែនាំនូវ Visual effects យ៉ាងស្រស់ស្អាតមួយចំនួន ប៉ុន្តែការបិទចោលក៏អាចជួយបង្កើននូវ Performance ផងដែរ។ អ្នកអាចបិទនូវ Motion ដោយចុចលើកម្មវិធី Settings > General > Accessibility > Reduce Motion ហើយបើកនូវ Reduce Motion។ វានឹងធ្វើការបិទនូវ Parallax effect របស់ icon និង Alerts។ បន្ទាប់មកអ្នកអាចបន្ថយនូវកម្រិតមើលឃើញ Background effects ដែលអាចធ្វើឲ្យ iPhone ចាស់ៗយឺតផងដែរ ដោយចុចលើកម្មវិធី Settings > General > Accessibility > Increase Contrast ហើយបើក Reduce Transparency។

៨. Reset iPhone

អ្នកអាចចុចឲ្យជាប់លើប៊ូតុង Home និង Sleep ក្នុងពេលតែមួយរហូតដល់អេក្រង់មានពណ៌ខ្មៅ (មាន Power off slider ពណ៌ក្រហមបង្ហាញឡើងប្រសិនបើវាបង្ហាញអ្នកគ្រាន់តែបន្តចុចទៀត) រហូតដល់ទៅ Apple logo បង្ហាញ ហើយអ្នកអាចប្រលែងដៃបាន។ អ្នកអាចអនុវត្តបានម្ដងម្កាល សម្រាប់សម្រួលលើដំណើរការរបស់ iPhone។

៩. លុបនូវសារ រូបភាព តន្ត្រី មួយចំនួនចោល (មិនសំខាន់)

ក្នុងកម្មវិធីមួយចំនួនបានរក្សាទុកនូវទិន្នន័យផ្សេងៗដែលអាចមានទំហំធំ ហើយអ្នកមិនត្រូវការប្រើប្រាស់។ លើកម្មវិធី Messagesអ្នកគួរលុបនូវសារដែលអ្នកបានប្រើប្រាស់កន្លង (មិនត្រូវការ) ដោយសារ សារទាំងនោះអាចមានជាអក្សរ រូបភាព ឬក៏សំឡេងផងដែរ។ អ្នកអាចធ្វើការលុបបានដោយចុចអូសលើសារណាមួយទៅខាងស្ដាំ ហើយចុច Delete។ ម្យ៉ាងវិញទៀត អ្នកក៏អាចកំណត់ពេលវេលាផុតកំណត់សម្រាប់សារជាសំឡេងផងដែរ ដោយបើកកម្មវិធី Settings > Messages menu > អូសចុះក្រោម ហើយធ្វើការផ្លាស់ប្ដូរពេលវេលាផុតកំណត់របស់សារជាសំឡេងពី Never ទៅជា After 2 minutes ដូច្នេះក្រោយពីរនាទី សារជាសំឡេងនឹងលុបដោយស្វ័យប្រវត្តិ។ ម្យ៉ាងទៀតអ្នកគួរលុបនូវបទចម្រៀង ឬរូបភាព ឬវីដេអូ ដែលមានលើ iPhone របស់អ្នកដែលកម្រប្រើប្រាស់ ប៉ុន្តែសម្រាប់រូបភាព ឬវីដេអូដែលបានថតគួរធ្វើការរក្សាទុកលើ Mac, PC, External ឬ Cloud ជារួមជាកន្លែងដែលមាន Space ធំគ្រប់គ្រាន់សម្រាប់រក្សាទុកអនុស្សាវរីយរបស់អ្នក។

១០. Restore ពី Backup

ប្រសិនបើអ្នកបាន Backup ថ្មីៗនោះ អ្នកអាច Restore ពីវាបាន។ ភ្ជាប់ iPhone ទៅនឹង Mac ហើយបើកកម្មវិធី iTunes។ ចុចលើ iPhone ហើយនៅក្រោម Backups > ចុចលើ Restore Backup។ វានឹងធ្វើឲ្យ iPhone របស់អ្នកដូចទៅនឹងពេលដែលបាន Backup។

១១. Restore factory settings តែម្ដង

អាចលុបនូវរាល់ទិន្នន័យទាំងអស់ពី iPhone ឲ្យដូចពេលទើបនឹងទិញ ប៉ុន្តែអ្នកគួរធ្វើការ Backup iPhone របស់អ្នកជាមួយនឹង iTune ដោយភ្ជាប់វាទៅនឹងកុំព្យូទ័រក្នុងករណីចាំបាច់ណាមួយ ឬអាចធ្វើជាមួយនឹង iCloud ដោយបើកកម្មវិធី Settings បន្ទាប់មកអូសចុះក្រោមដល់ iCloud > Storage & Backup > Back Up Now ក្នុង iOS 6 ឬបើក iCloud Backup ក្នុង iOS 7 ឬជំនាន់ក្រោយ។

ដូច្នេះអ្នកអាច Restore iPhone ទៅ Factory settings ដោយចូលទៅកាន់ Settings > General > Reset > Erase All Content and Settings។ បន្ទាប់មកត្រូវបញ្ចូល កូដសំងាត់ (Passcode) ប្រសិនបើអ្នកមាន បន្ទាប់មក Confirm ថាអ្នកចង់លុបរាល់ Media ហើយ Reset គ្រប់ Settings។ ក្រោយប៉ុន្មាននាទីសម្រាប់ Restore អ្នកនឹងឃើញផ្ទាំងស្វាគមន៍សម្រាប់ iPhone ដែលមានគ្រប់យ៉ាងដូចទើបនឹងទៀត។ ចងចាំថា អ្នកគួរមានការទទួលខុសត្រូវខ្ពស់លើទិន្នន័យលើ iPhone មុនអនុវត្តចំណុចនេះ។

១២. រង់ចាំសម្រាប់ iOS 11

អាចរង់ចាំសម្រាប់កំណែទម្រង់ iOS 11 ដែលនឹងអាច Update នាពេលខាងមុខឆាប់ៗនេះ។ជាទូទៅ គ្រប់កំណែទម្រង់ iOS ថ្មីតែងតែត្រូវការ Power កាន់តែខ្លាំងជាងមុន ដូច្នេះបានជាគ្រប់ iPhone ថ្មីមាននូវ Processor លឿនជាងមុន។ Apple ព្យាយាមដោះស្រាយបញ្ហា Performance យឺតដែលឲ្យតែ Device ដែលមាន Power រហ័សល្អគួរសមដើម្បីដំណើរការ Software ថ្មី។ ទោះបីជាយ៉ាងណាមានអ្នកប្រើប្រាស់មួយចំនួនជួបបញ្ហា Device ដំណើរការយឺតពេលផ្លាស់ប្ដូរកំណែទម្រង់ថ្មីប៉ុន្តែសម្រាប់ iOS 11 អាចមានលទ្ធផលផ្សេងក៏ថាបាន។ យ៉ាងណាមិញអ្នកប្រើប្រាស់ជាច្រើនបានប្រាប់ថា iPhone 5s និង 5c មានដំណើរការល្អជាមួយនឹង iOS 10។

១៣. ត្រួតពិនិត្យមើលការធានា

ប្រសិនបើ iPhone អ្នកនៅមានការធានា (មិនទាន់ផុតកំណត់) អ្នកអាចទៅហាងនោះវិញ ដើម្បីឲ្យអ្នកបច្ចេកទេសត្រួតពិនិត្យលើ iPhone របស់អ្នក។

១៤. ទិញ iPhone ថ្មីតែម្ដង

ប្រសិនបើវិធីខាងលើមិនធ្វើឲ្យ iPhone អ្នកលឿនជាងមុននោះទេ ព្រោះមកពីអ្នកកំពុងប្រើប្រាស់ iPhone ចាស់ពេក ហើយណាមួយវាមានដំណើរការយឺតមិនទាន់ចិត្ត អ្នកគួរទិញថ្មីប្រសិនបើអាច៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Macworld ប្រែសម្រួល ៖ ប៊ុន ធឿន