តើអ្វីទៅជា HDR ហើយគួរប្រើនៅពេលណា?

2017-09-14 04:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

HDR (High Dynamic Range) ជាបច្ចេកវិទ្យាថតរូបមួយប្រភេទ ដែលមានបំពាក់លើកាមេរ៉ាស្មាតហ្វូនដូចជា iPhone និង Android មួយចំនួន។ បច្ចេកវិទ្យានេះអាចធ្វើឲ្យរូបភាពរបស់អ្នកមើលទៅប្រសើរជាងមុន ដោយបន្ថែមភាពលម្អិតលើរូបភាព ប៉ុន្តែវាអាស្រ័យលើអ្នកថាពេលណាគួរប្រើវា។ អ្នកអាចពិនិត្យមើលលក្ខណៈ HDR មួយចំនួនសម្រាប់ការយល់ដឹងបន្ថែមដូចខាងក្រោម៖

តើ HDR មានដំណើរការយ៉ាងដូចម្ដេច?

HDR ជាវិធីសាស្ត្រមួយក្នុងការបន្ថែមនូវ Dynamic range ទៅកាន់រូបភាពដែល Dynamic range ជា Radio នៃពន្លឺទៅជាងងឹតក្នុងរូបភាព។ ជំនួសឲ្យការថតរូបតែមួយ HDR ប្រើប្រាស់បីរូបភាព ដែលថតនៅកម្រិត Exposure ផ្សេងគ្នា។ បន្ទាប់មកអ្នកអាចប្រើប្រាស់កម្មវិធីកាត់តដើម្បីដាក់រូបភាពទាំងនោះចូលគ្នា ហើយ Highlight នូវផ្នែកដែលល្អបំផុតនៃរូបភាពនីមួយៗ។

HDR លើស្មាតហ្វូនរបស់អ្នក គឺដំណើរការ ការងារទាំងនេះសម្រាប់អ្នកតែម្ដង ដោយគ្រាន់តែថតរូបភាពមួយ ហើយវានឹងបំបែកជារូបភាពធម្មតាមួយ និងរូបភាព HDR មួយ។ ដូច្នេះហើយបានជាពេលអ្នកបើកនូវ HDR mode ស្មាតហ្វូនរបស់អ្នកធ្វើការថតរូបយឺតបន្តិច ដោយសារវាថតរូបបីសន្លឹក។

ពេលណាអ្នកគួរប្រើប្រាស់ HDR

រូបភាពទេសភាព៖ រូបភាពទេសភាពជាធម្មតាមាននូវ Contrast ច្រើនរវាងមេឃ និងដី ដែលពិបាកសម្រាប់កាមេរ៉ាដំណើរការជាមួយនឹងរូបភាពតែមួយ។ ជាមួយនឹង HDR អ្នកអាចចាប់យកនូវលក្ខណៈលម្អិតរបស់មេឃ ដោយមិនធ្វើឲ្យដីងងឹតពេក ហើយនឹងបញ្ច្រាសគ្នាវិញ។ រូបភាព Portrait ក្នុងពន្លឺព្រះអាទិត្យ៖ យើងដឹងស្រាប់ហើយថា ពន្លឺជាកត្តាដ៏សំខាន់សម្រាប់រូបភាពឲ្យប្រសើរឡើង ប៉ុន្តែពន្លឺខ្លាំងពេកលើមុខរបស់នរណាម្នាក់អាចធ្វើឲ្យស្រមោលងងឹត និងពន្លឺជះខ្លាំងជាដើម។ HDR អាចធ្វើឲ្យ Subject របស់អ្នកមើលទៅប្រសើរជាងមុនបានល្អ។ ទិដ្ឋភាពមានពន្លឺទាប និង Backlit៖ ប្រសិនបើរូបភាពអ្នកមើលទៅងងឹត ដែលជារឿយៗកើតឡើងពេលទិដ្ឋភាពមានពន្លឺពីក្រោយខ្លាំងពេក។ HDR អាចបំភ្លឺផ្ទៃខាងមុខបានល្អ ដោយមិនលុបចោលនូវពន្លឺដែលជះមកនោះទេ។

ពេលណាអ្នកមិនគួរប្រើប្រាស់ HDR

រូបភាពមានចលនា៖ ប្រសិនបើ Subject មានចលនា HDR អាចធ្វើឲ្យរូបភាពអ្នកព្រាលបាន។ ចងចាំទេថា HDR ថតនូវរូបភាពបី ដូច្នេះប្រសិនបើ Subject មានចលនារវាងរូបភាពទីមួយ និង ទីពីរ រូបភាពចុងក្រោយនឹងមើលទៅមិនល្អនោះទេ។
ទិដ្ឋភាព High-Contrast៖ រូបភាពមួយចំនួនមើលទៅល្អប្រសើរជាមួយនឹង Stark contrast រវាងផ្នែកងងឹត និងភ្លឺរបស់រូបភាព ដែលប្រសិនបើអ្នកមាននូវស្រមោលងងឹត ឬ Silhouette អ្នកប្រហែលចង់ Highlight។ HDR នឹងធ្វើឲ្យវាមាន Intense តិច ដែលធ្វើឲ្យរូបភាពមានការចាប់អារម្មណ៍តិចតួច។
Vivid Colors៖ ប្រសិនបើទិដ្ឋភាពអ្នកងងឹតពេក និងភ្លឺពេក HDR អាចបង្ហាញនូវពណ៌មួយចំនួនត្រលប់វិញ។ ទោះជាយ៉ាងណា ប្រសិនបើអ្នកដោះស្រាយជាមួយនឹងពណ៌ជាច្រើនដែលមានលក្ខណៈ Vivid ខ្លាំង HDR អាចសម្អាតពណ៌ទាំងនោះចោល៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ lifehack ប្រែសម្រួល ៖ ប៊ុន ធឿន