ជិតដល់ថ្ងៃសម្រាលកូនហើយ តែនិយាយពីរាង Jun Ji Hyun វិញដូចនៅក្រមុំ!

2017-09-15 03:52:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ខកខានបង្ហាញវត្តមានពីភ្នែកមហាជនអស់មួយរយៈ បូករួមនឹងត្រូវសម្រាកថែគភ៌ផងនោះ ពេលនេះតួឯកស្រីក្នុងរឿង "My Love From The Star” បានត្រឡប់មកសាជាថ្មីក្នុងកម្មវិធីធំមួយ។

កាលពីរសៀលថ្ងៃទី ១៤ ខែកញ្ញាម្សិលមិញ តារាសម្ដែង Jun Ji Hyun បានចូលរួមក្នុងកម្មវិធីមួយនៅផ្សារទំនើបទំនើប Starfield Goyang។ វត្តមានរបស់តារាស្រីក្រមិចក្រមើមរូបនេះបានធ្វើឲ្យមហាជនមានការភ្ញាក់ផ្អើលជាខ្លាំង ព្រោះម្នាក់ៗសុទ្ធតែបានដឹងស្រាប់ថាអំឡុងពេលនេះ Ji Hyun មានទម្ងន់ជាង ៦ខែហើយ តែនាងនៅតែខំមកចូលរួមកម្មវិធី ថតពាណិជ្ជកម្មផ្សេងៗជាច្រើន ធ្វើឲ្យអ្នកគាំទ្ររបស់នាងទាំងអស់មានការព្រួយបារម្ភជាខ្លាំង។ យ៉ាងណាមិញរូបសម្រស់ និងរាងរៅរបស់នាងនាពេលនេះ ហាក់នៅតែស្រស់ស្អាត និងមាំមួន ទើបធ្វើឲ្យអ្នកគាំទ្ររីករាយឡើងវិញ។

តារាស្រីរូបនេះបានទាក់ចិត្តអ្នកគាំទ្រជាច្រើន នៅពេលសម្ដែងក្នុងរឿង "My Love From The Star” ជាមួយតារាប្រុស Kim Soo Hyun។ ក្រោយសម្រាក សម្រាលបុត្រទីដំបូង ហើយមិនបានប៉ុន្មាននាង ក៏បានត្រូវសម្ដែងរឿង "Legend Of The Blue Sea” ជាមួយលោក Lee Min Ho ទៀត។ ជាក់ស្ដែងបន្ទាប់មកទៀត ក៏មានដំណឹងមកថា Ji Hyun កំពុងពពោះ បុត្រទី ២ ហើយក៏នឹងត្រៀមសម្រាលក្នុងពេលឆាប់ៗនេះដែរ៕