មិនទាន់ស្គាល់ជាតិ GoPro Hero 5 ផង ចេញដំណឹង Hero 6 បាត់!
- 2017-09-15 04:11:50
- ចំនួនមតិ 0 | ចំនួនចែករំលែក 0
មិនទាន់ស្គាល់ជាតិ GoPro Hero 5 ផង ចេញដំណឹង Hero 6 បាត់!
ចន្លោះមិនឃើញ
GoPro Hero 6 ពណ៌ខ្មៅបានលេចរូបរាងឡើងមុនការប្រកាសចេញជាផ្លូវការ ហើយកាមេរ៉ាជំនាន់ថ្មីនេះទំនងអាចថតវីដេអូកម្រិត 4K ក្នុងល្បឿនដល់ ៦០ ប្លង់/វិនាទី។
ប្រសិនបើរូបភាពលេចធ្លាយខាងលើជាការពិតនោះមានន័យថា Hero 6 កាន់តែពិសេសជាង Hero 5 ដោយស៊េរីមុនអាចថតវីដេអូ 4K ក្នុងល្បឿន ៣០ ប្លង់/វិនាទីប៉ុណ្ណោះ។ រូបភាពលេចធ្លាយក៏បានបង្ហាញដែរថា Hero 6 អាចថតរូបភាពក្នុងទំហំ ១២ MP។ វិបសាយ Photo Rumors បានឲ្យដឹងថាការប្រកាសចេញជាផ្លូវការរបស់ Hero 6 អាចនឹងធ្វើឡើងនៅថ្ងៃទី ២៨ ខែកញ្ញា។
ប្រភពដដែលបន្ថែមថា Hero 6 មានរូបរាងស្រដៀងទៅនឹង Hero 5 ស្ទើរតែបេះបិត។ ដូចនេះមានន័យថាអ្នកប្រើ Hero 5 អាចប្រើ Accessory របស់ Hero 5 នៅលើ Hero 6 បាន។ ព័ត៌មានសំខាន់ដែលគេមិនទាន់ដឹងនាពេលនេះគឺតម្លៃ៕