អ្នកធ្លាក់បាក់ឌុបនឹងមានកម្លាំងចិត្តឡើងវិញក្រោយអាន Status តារារូបនេះ
- 2017-09-21 06:08:00
- ចំនួនមតិ 0 | ចំនួនចែករំលែក 0
អ្នកធ្លាក់បាក់ឌុបនឹងមានកម្លាំងចិត្តឡើងវិញក្រោយអាន Status តារារូបនេះ
ចន្លោះមិនឃើញ
Khalid គឺជាតារាចម្រៀងដ៏ល្បីម្នាក់ប្រចាំហូលីវូដ ដោយសារសំឡេងដ៏ពីរោះបកស្រាយជាចង្វាក់ R&B របស់ខ្លួន។
លោកបានចាប់ផ្ដើមអាជីពជាអ្នកចម្រៀងកាលពីឆ្នាំ ២០១៥ ហើយក៏ចាប់ផ្ដើមល្បីឈ្មោះខ្លាំងក្រោយបញ្ចេញបទចម្រៀងពីរោះៗដូចជា "Location” និង "Young Dumb & Broke” ជាដើម។
កាលពីថ្ងៃទី១៤ ខែកញ្ញា តារារូបនេះបានបង្ហោះរូបមួយសន្លឹកដែលបង្ហាញពីចំនួនអ្នកចូលស្ដាប់បទចម្រៀងលើ ប្រព័ន្ធស្ដាប់បទចម្រៀង Spotify ដោយលោកមានចំនួនអ្នកចូលស្ដាប់ច្រើនជាងគេ។
តារារូបនេះបានសរសេរដូច្នេះថា៖ "ខ្ញុំគឺជាតារាម្នាក់ដែលមានគេចូលស្ដាប់ចម្រៀងច្រើនជាងគេក្នុងថ្ងៃនេះ! វាពិតជាមិនធម្មតា។ ២ឆ្នាំមុន ខ្ញុំគឺជាសិស្សមិនល្អម្នាក់។ ខ្ញុំមិនដែលប្រឡង SAT ហើយគ្មានពិន្ទុអ្វីទាំងអស់ពេលរៀនចប់ ហើយគ្មានកន្លែងណាមួយព្រមទទួលយកខ្ញុំឡើយ។ បន្ទាប់មកទៀតក៏ត្រូវចូលពេទ្យដោយសារតែមានគ្រោះថ្នាក់ចរាចរណ៍ ចំថ្ងៃចូលរៀនឆ្នាំចុងក្រោយថ្នាក់វិទ្យាល័យ ហើយវាផ្លាស់ប្ដូរអ្វីទាំងអស់ដែលខ្ញុំធ្លាប់គិត ក្នុងជីវិតរបស់ខ្ញុំ។ ខ្ញុំធ្លាប់ត្រូវគេថាឲ្យ និងមើលងាយព្រោះខ្ញុំច្រៀង ប៉ុន្តែខ្ញុំមិនខ្វល់ ហើយប្រឹងប្រែងរហូតដល់សព្វថ្ងៃ ហើយពេលនេះខ្ញុំកំពុងតែមានពេលវេលាដ៏ល្អបំផុតសម្រាប់ជីវិតខ្ញុំ។ ស្រលាញ់អ្នកទាំងអស់គ្នាខ្លាំងណាស់ ហើយបន្តខំប្រឹងទាំងអស់គ្នាកុំបោះបង់។"
ដូច្នេះបើយើងប្រៀបធៀបនឹងជីវិតរបស់យើងវិញ មនុស្សម្នាក់សុទ្ធតែមានទេពកោសល្យ និងសំណាងផ្ទាល់ខ្លួនទោះបីជាយើងបរាជ័យរឿងខ្លះៗក៏ដោយក៏យើងត្រូវតែមានសង្ឃឹមជានិច្ច ហើយត្រូវចាប់យកឱកាសដ៏ល្អបំផុតពេលដែលយើងមាន៕
អានអត្ថបទ៖
អតីតសមាជិកក្រុម Black Eyed Peas បែកបាក់ស្នេហា ក្រោយរៀបការ៨ឆ្នាំ
ទីបំផុត Lady Gaga សារភាពពីជំងឺកាចសាហាវដែលកំពុងយាយីនាងរាល់ថ្ងៃ
រំជួលចិត្ត! កូនស្រី Paul Walker បង្ហោះរូបថតរំលឹកអតីតកាលថ្ងៃខួបកំណើតឪពុក