ចប់ហើយ បើចង់បាន iPhone X សាកថ្ម ៣០ នាទីឡើង ៥០% ត្រូវចាយលុយក្រៅថែម

2017-09-17 04:03:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple បានផ្សព្វផ្សាយជាសាធារណៈ iPhone X អាចសាកថ្មរហ័សក្នុងរយៈពេល ៣០ នាទី ឡើងបាន ៥០ ភាគរយ។ ប៉ុន្តែចំពោះដុំសាករហ័សនិងដុំសាកឥតខ្សែ អ្នកនឹងពុំទទួលបានចេញពីប្រអប់ Free Free នោះឡើយ។

ក្នុងប្រអប់ iPhone 8/8 Plus និង iPhone X បានដាក់ដុំសាកកម្លាំង ៥ វ៉ាត់ ដូចដុំសាកសព្វថ្ងៃ ប៉ុន្តែបើចង់ប្រើប្រាស់មុខងារសាកថ្មរហ័សដូចដែល Apple បានលើកឡើង ត្រូវចំណាយថវិកាទិញពីខាងក្រៅ នៅដុំសាកមួយនិងខ្សែសាកមួយផ្សេងទៀត។

អ្នកត្រូវទិញដុំសាកកម្លាំង ២៩ វ៉ាត់មួយដែលមានតម្លៃប្រហែល ៤៩ ដុល្លារ និងខ្សែសាក USB-C មួយទៀតតម្លៃ ២៥ ដុល្លារ សរុបទាំងអស់ ៧៤ ដុល្លារ។ ករណីបើអ្នកមានដុំសាកនៃឧបករណ៍ Macbook កម្លាំង ៦១ វ៉ាត់ និង ៨៧ វ៉ាត់ ឬ iPad Pro អាចយកមកប្រើជំនួសក៏បាន។

តម្លៃខាងលើជាឧបករណ៍ពិត (Original) ចេញពី Apple ប៉ុន្តែអ្នកក៏អាចទិញរបស់ក្រៅពី Brand Apple បានដូចគ្នា ប៉ុន្តែតាមការលេចលឺតម្លៃក៏មិនខុសគ្នាប៉ុន្មានដែរ។

ចុចអានបន្ត

ប្រភព៖ GSMarena ប្រែសម្រួល៖ កៅ រក្សា