ESPN បាត់អតិថិជនរាប់លាននាក់ ដោយសារអ្នកគាំទ្រងាកមកមើល Live តាមហ្វេសបុក
- 2017-09-17 07:09:08
- ចំនួនមតិ 0 | ចំនួនចែករំលែក 0
ESPN បាត់អតិថិជនរាប់លាននាក់ ដោយសារអ្នកគាំទ្រងាកមកមើល Live តាមហ្វេសបុក
ចន្លោះមិនឃើញ
ទូរទស្សន៍កីឡាដ៏មានប្រជាប្រិយភាព ESPN បានបាត់បង់អតិថិជនជិត ១៣លាននាក់ ក្នុងរយៈពេល ៦ ឆ្នាំចុងក្រោយ។ កាលពីឆ្នាំ២០១១ ធ្លាប់មានអតិថិជនបានភ្ជាប់សេវាទូរទស្សន៍ខ្សែកាប និង ផ្កាយរណប ចំនួន ១០០,១២លាននាក់ ជាចំនួនខ្ពស់បំផុត ធ្លាក់មកត្រឹម ៨៧,២២លាននាពេលថ្មីៗ។ នេះបើតាមការចុះផ្សាយរបស់ Business Insider។
ការថយចុះនេះ ត្រូវបានគេមើលឃើញថាមកពីកត្តាមួយចំនួនរួមមាន៖ ទំនោរថ្មីដែលមនុស្សចង់បោះបង់ចោលអេក្រង់ទូរទស្សន៍ ពិសេសនៅពេលមានការ Live តាម Twitter និង Facebook ជាដើម។ ប្រភពខាងលើបន្ត។
ប៉ុន្តែការបាត់បង់អតិថិជនរាប់លាននាក់ មិនបានធ្វើឲ្យ ESPN បញ្ចុះតម្លៃតភ្ជាប់សេវាតាមទូរទស្សន៍នោះទេ។ ផ្ទុយទៅវិញ ទូរទស្សន៍យក្សមួយនេះ មានតែដំឡើងថ្លៃ ពី៤,៦៩ដុល្លារ សម្រាប់អតិថិជនម្នាក់ក្នុងឆ្នាំ២០១១ មក៧,២១ដុល្លារ នាពេលបច្ចុប្បន្ន ឬឡើងថ្ងៃជាងពាក់កណ្ដាល៕