មកស្គាល់ស្មាតហ្វូនដំបូងគេក្នុងលោក កើតតាំងពីឆ្នាំ ១៩៩២

2017-09-21 07:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នករាល់គ្នាប្រហែលជាឮពាក្យថា Smartphone អានថា "ស្មាតហ្វូន" ដែលកើតនៅក្នុងទសវត្សទី ២០ អំឡុងឆ្នាំ ១៩៩៥ តែការពិតវាត្រូវបានគេផលិត នឹងដាក់ឈ្មោះឲ្យវាតាំងពីឆ្នាំ ១៩៩២ មកម្ល៉េះ។

នៅឆ្នាំ ១៩៩២ វាមិនត្រូវបានហៅថា ស្មាតហ្វូន នោះទេ តែជំនួសដោយពាក្យថា (Simon Personal Communicator) ដែលបានបង្កើតឡើងដោយក្រុមហ៊ុន IBM ដែលជាក្រុមហ៊ុនបច្ចេកវិទ្យាធំជាងគេនៅជំនាន់នោះ ពោលគឺមុន ១៥ ឆ្នាំ មុនពេលលេចវត្តមានក្រុមហ៊ុន Apple ដែលផលិតចេញ iPhoneដាក់លក់លើទីផ្សារ។

ដូចបង្ហាញក្នុងរូបភាពខាងលើ ទូរសព្ទ IBM Simon មានរាងវែង តែអ្នកអាចប៉ះផ្ទាល់លើផ្ទៃអេក្រង់

ប្រភេទTouchscreen
មានទម្ងន់ ៥១០ ក្រាម
ដំណើរការប្រព័ន្ធប្រតិបត្តិការ Datalight ROM-DOS
បំពាក់ដោយ CPU ប្រភេទ NEC V30HL កម្លាំង ១៦ Bit ម៉េម៉ូរី 1MB
ប្រើថ្មនីកែល កម្លាំង៧,៥ វ៉ុល
អេក្រង់ប្រភេទ Nanochrome LCD
មានប៊ិច stylus មកជាមួយផងដែរ។

ក្រៅពីហៅចេញទៅដៃគូម្ខាងទៀតបាន IBM Simon អាចបញ្ជូន និងទទួលសារអេឡិចត្រូនិក fax និង page បានផងដែរ។ លើសពីនេះទៀត វាត្រូវបានបង្កើតឡើងដោយមានការកត់ចំណាំ (notes collection) មានន័យថាអ្នកប្រើប្រាស់អាចប្រើជាបណ្ដុំកត់សម្គាល់សម្រាប់ការណាត់ជួបបានផងដែរ។

Simon អាចដំណើរការដោយកម្មវិធីតំឡើងក្រៅប្រភេទ (third-party app) ដែលទាមទារឲ្យអ្នកត្រូវមានកុំព្យូទ័រ(PC)មួយគ្រឿង និង Card មួយសម្រាប់ដោតចូល រួចតំឡើងកម្មវិធីទាំងនោះ។

យោងតាមទស្សនាវដ្ដី Byte Magazine ឱ្យដឹងថា Simon របស់ IBM គឺជាទូរសព្ទដំបូងគេដែលរួមបញ្ចូលគ្នានូវមុខងារអាច Call ចេញបាន និងមុខងារមួយចំនួន ដោយប្រកាសដាក់លក់ជាផ្លូវការជាមួយ តម្លៃ ៨៩៩ ដុល្លារ ប្រមាណជា ១ ៤៣៥ ដុល្លារ(គិតជាទឹកប្រាក់បច្ចុប្បន្ន)។

ជាអកុសល Simon មិនទទួលបានភាពល្បីល្បាញនោះទេ ដោយលក់បានតែចំនួន ៥០,០០០ គ្រឿងប៉ុណ្ណោះ ហើយមួយឆ្នាំក្រោយមកក៏លែងមានលើទីផ្សារតែម្ដង៕

#មកមើលការបង្ហាញសមត្ថភាពរបស់ Simon