អ្នកស្លាប់ដោយសាររញ្ជួយដីនៅម៉ិកស៊ីកូកើនដល់ជិត ៣០០នាក់
- 2017-09-22 03:52:32
- ចំនួនមតិ 0 | ចំនួនចែករំលែក 0
អ្នកស្លាប់ដោយសាររញ្ជួយដីនៅម៉ិកស៊ីកូកើនដល់ជិត ៣០០នាក់
ចន្លោះមិនឃើញ
គ្រោះរញ្ជួយដីដ៏ខ្លាំងបានវាយប្រហារភាគកណ្ដាលប្រទេសម៉ិកស៊ីកូ កាលពីថ្ងៃ អង្គារទី ១៩កញ្ញា កម្រិត ៧,១រិចទ័រ បានឆក់យកជីវិតមនុស្សចំនួន ២៧៣នាក់ហើយ។ នេះបើតាមរដ្ឋាភិបាលប្រកាសឲ្យដឹងនៅថ្ងៃព្រហស្បតិ៍ម្សិលមិញ។
ចំនួនអ្នកស្លាប់ជាងពាក់កណ្ដាល គឺអ្នករស់នៅទីក្រុងម៉ិកស៊ីកូផ្ទាល់តែម្ដង និងជាកន្លែងអគារជិត ៤០ខ្នងបានបាក់រលំ។ យោងទៅតាមភ្នាក់ងារការពារជនស៊ីវិលបានបញ្ជាក់ថា ពលរដ្ឋរស់នៅទីក្រុងម៉ិកស៊ីកូចំនួន ១៣៧នាក់បានស្លាប់បាត់បង់ជីវិត ៧៣នាក់ រស់នៅរដ្ឋ Morelos ៤៣នាក់ រស់នៅរដ្ឋ Puebla ១៣នាក់ រស់នៅរដ្ឋម៉ិកស៊ីកូ ៦នាក់នៅរដ្ឋ Guerrero និងម្នាក់នៅរដ្ឋ Oaxaca។
ចំនួនអ្នកស្លាប់ត្រូវគេរំពឹងថា នឹងកើនឡើងបន្តទៀត ខណៈក្រុមប្រតិបត្តិការជួយសង្គ្រោះកំពុងបន្តស្វែងរក ហើយសាកសពជាច្រើនរកឃើញនៅក្រោមគំនរថ្មអគារបែកបាក់។ លោកចៅហ្វាយក្រុងម៉ិកស៊ីកូ បានប្រាប់ថា អាជ្ញាធរបានរកឃើញសាកសពស្ត្រីចំនួន ៨៧នាក់ បុរស ៥០នាក់ រួមទាំងកុមារ ២៥នាក់ផង។
ប្រជាជនក្នុងក្រុងជាង ៥ពាន់នាក់ ត្រូវជម្លៀសចេញពីផ្ទះទៅកាន់ជម្រកបណ្ដោះអាសន្នចំនួន ៤៧ នៅជុំវិញក្រុង។ ឯអគារបាក់រលំមានចំនួន ៣៨ និងអគាររងការខូចខាតមានជាង ២ ៩០០ ផងដែរ៕
ចុចអាន៖
មុន ត្រាំ សង់ជញ្ជាំង មកមើលរូបថតប្រវត្តិសាស្ត្រពីស្ថានភាពព្រំដែនអាមេរិក-ម៉ិកស៊ីកូ
៨សន្លឹក ទិដ្ឋភាពមុន និងក្រោយពេលខ្យល់ព្យុះ Irma វាយប្រហារ ឃើញហើយខ្លោចចិត្ត
ផ្ទះប្រណីតរបស់មហាសេដ្ឋីពិភពលោកម្នាក់ ត្រូវព្យុះកំណាច Irma កម្ទេចហ្មត់គ្មានសល់