ខ្សែការពារ PSG ថា ក្រុមទាំងមូលមិនមែនពឹងលើ Neymar តែម្នាក់ទេ ដើម្បីឈ្នះ

2017-09-25 02:12:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកមាន Paris Saint-Germain បានស្គាល់ពាក្យមិនឈ្នះជាលើកដំបូងនារដូវកាលនេះកាលពីថ្ងៃសុក្រ បន្ទាប់ពីស្មើគ្នា ០-០ ជាមួយ Montpellier ស្របពេលអវត្តមាន Neymar។

Thomas Meunier

ក្នុងការប្រកួតខាងលើកីឡាករប្រេស៊ីលមិនបាចូលលេងទេ ក្រោមមូលហេតុរបួសជើង ធ្វើឲ្យ PSG បាត់កីឡាករសំខាន់ ក្នុងការកាន់កាប់កំណត់ត្រាមិនដែលចាញ់នៅរដូវកាលនេះ។ យ៉ាងណាក្ដី ខ្សែការពារ Thomas Meunier បានលើកឡើងថា ក្រុមយក្សបារាំងមួយនេះ មិនមែនពឹងលើកីឡាករតម្លៃ១៩៨លានផោននេះតែម្នាក់ទេ សម្រាប់ការរកជ័យជម្នះ។

ត្បិតតែការមកដល់របស់ Neymar បានធ្វើព្យុះភ្លៀងនៅបារាំងក្ដី តែ Meunier យល់ថា ក្រុមមិនពឹងលើកីឡាកររួបនេះទាំងស្រុងទេ តែដោយសារមានការដឹកនាំល្អពី លោក Unai Emery និងកីឡាករឆ្នើម២រូបទៀត Edinson Cavani និង Kylian Mbappe។ "ពួកយើងមិនពឹងលើ Neymar ទាំងអស់ទេ។ គេគឺជាកីឡាករពិសេសម្នាក់ ប៉ុន្តែពេលដែលអ្នកឃើញក្រុមរបស់ពួកយើង អ្នកមិនអាចនិយាយថា ពួកយើងចាញ់ ដោយសារគ្មានវត្តមាន Neymar ទេ។ ពួកយើងមានកីឡាករមានសមត្ថភាពច្រើនទៀត"។ សម្ដី Meunier ៕