ឃឹម ពេជ្រចិន្តា រៀនចប់បរិញ្ញាបត្ររង ក៏ដោយសារតែអាជីពប្រដាល់

2017-09-25 04:26:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរជើងចាស់ ឃឹម ពេជ្រចិន្តា ថាអាជីពប្រដាល់មួយនេះបានជួយរូបគេបានច្រើនទាំងជីវភាពរស់នៅ និងការសិក្សាផងដែរ។

កីឡាករ ឃឹម ពេជ្រចិន្តា ក្រហម

កីឡាករ ឃឹម ពេជ្រចិន្តា បានឲ្យដឹងថា បើនិយាយពីអាជីពឈឺខ្លួនមួយនេះជួយខ្លួនបានច្រើនណាស់ សម្ភារប្រើប្រាស់ប្រចាំថ្ងៃដូចជាម៉ូតូ សម្ភារប្រើប្រាស់ផ្សេងទៀតជាច្រើន ការចំណាយប្រើប្រាស់ប្រចាំថ្ងៃ រួមទាំងការសិក្សាថែមទៀតផង។

កីឡាករ ឃឹម ពេជ្រចិន្តា ក្រហម

អ្នកប្រដាល់វ័យ២៨ឆ្នាំរូបនេះបន្ថែមទៀតថា អំឡុងឆ្នាំ២០០៧ ដែលខ្លួនបានរៀនបរិញ្ញាបត្ររងខាងផ្នែកអគ្គិសនីនោះ គឺបានលុបបង់សាលាមកពីឡើងសង្វៀន រហូតដល់បញ្ចប់ការសិក្សានៅឆ្នាំ២០០៩។ បើទោះជាបច្ចុប្បន្នមានការងារជាជាងអគ្គិសនីក្ដី ក៏កីឡាករជើងចាស់ម្នាក់នេះមិនបោះបង់អាជីពប្រដាល់នេះឡើយ នៅឆ្លៀតហ្វឹកហាត់និងបន្តប្រកួតរហូតផងដែរ ហើយសរុបពីចំណូលប្រដាល់និងការផ្ទាល់ខ្លួនផងនោះ កីឡាកររូបនេះសល់ខ្ទង់ ៣០០-៤០០ ដុល្លារអាមេរិកឲ្យគ្រួសារដែរ។

កីឡាករដើមកំណើតនៅទីក្រុងភ្នំពេញខាងលើ មិនភ្លេចទេអាជីពប្រដាល់នេះ ទី១គឺស្រឡាញ់ខ្លាំងណាស់ ទី២ជួយជីវភាពគ្រួសារបានច្រើនរហូតដល់ពេលនេះ។

កីឡាករ ឃឹម ពេជ្រចិន្តា ក្រហម

ឃឹម ពេជ្រចិន្តា ជាកីឡាករចាស់វស្សាចូលប្រឡូកប្រដាល់គុនខ្មែរតាំងពីឆ្នាំ២០០៣មកម្ល៉េះ គេធ្លាប់ប្រកួតជាមួយកីឡាករជើងចាស់ជាច្រើនដូចជា ឡុង សុភី ពេជ្រ សីហា វង្ស ណយ និងកីឡាករជំនាន់ក្រោយ ឃីម ឌីម៉ា មឿន សុខហ៊ុច ជាដើម ហើយការប្រកួតចុងក្រោយរបស់អ្នកប្រដាល់រូបនេះឈ្នះ ផន ផល្លា ដោយពិន្ទុនៅសង្វៀនទូរទស្សន៍ប៉ុស្តិ៍លេខ៥ក្នុងកម្មវិធី TV5 Knock Out Series កាលពីថ្ងៃសៅរ៍កន្លងទៅនេះ៕

អត្ថបទ៖ នួន ស៊ីណា