តារាស្រី២រូបមានឈាមប្រភេទ AB អាចជួយ យូឌីស្កូ បានធូរស្បើយមួយកម្រិត

2017-09-27 03:47:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីដឹងថាតារាសម្ដែងលោក យូ ឌីស្កូ ធ្លាក់ខ្លួនឈឺចូលមន្ទីរពេទ្យដោយសារជំងឺទឹកនោមប្រៃ ខូចក្រលៀន និងត្រូវការឈាមប្រភេទ AB ជាបន្ទាន់ បានធ្វើឲ្យអ្នកសិល្បៈ និងមហាជនជាច្រើនមានការព្រួយបារម្ភយ៉ាងខ្លាំងអំពីស្ថានភាពជំងឺរបស់លោក។

ស្របពេលលោក យូ ឌីស្កូ ត្រូវការឈាមប្រភេទ AB ដើម្បីលាងក្រលៀន និងសម្អាតជាតិពុលជាច្រើននៅក្នុងខ្លួន ពិធីការិនី ដួង ហ្សូរីដា ដែលមានឈាមប្រភេទខាងលើ បានសម្រេចបរិច្ចាគឈាមជូនព្រោះមិនចង់ឃើញស្ថានភាពជំងឺរៀមច្បងសិល្បៈមួយនេះធ្ងន់ធ្ងរជាងនេះទៅទៀត។ ក្រៅពីបរិច្ចាគឈាម នាងក៏បានបន់ព្រះសំពះទេវតាសុំឲ្យ យូ ឌីស្កូ បានធូរស្បើយក្នុងពេលឆាប់ៗ។

គួរបញ្ជាក់ថា នេះមិនមែនជាលើកទី១ទេដែល ដួង ហ្សូរីដា បរិច្ចាគឈាមជូនអ្នកសិល្បៈ ឬសាច់ញាតិអ្នកសិល្បៈ ព្រោះកន្លងមកនាងបានបរិច្ចាគឈាមជូនអ្នកម្ដាយ សម ស្រីនាថ ផងដែរ។

ដោយឡែកតារាសម្ដែង គឹម លីហ្សា ដែលមានឈាមប្រភេទ AB ដូច ឌួង ហ្សូរីដា ដែរនោះបានបង្ហាញក្ដីអាណិតអាសូររបស់ខ្លួនទៅកាន់ យូ ឌីស្កូ នៅលើទំព័រហ្វេសប៊ុក ព្រមទាំងចង់បរិច្ចាគឈាមជូនតែអ្វីគួរឲ្យសោកស្ដាយខ្លាំងនោះខណៈពេលនេះតារាសម្ដែងរូបនេះមិនបាននៅស្រុកខ្មែរទេ បើសិនជានៅខ្មែរដូចពេលមុននាង នឹងទៅផ្ដល់ឈាមជូនភ្លាម។ នាងថា៖ "ឈាមខ្ញុំ AB បើនៅខ្មែរខ្ញុំ នឹងជួយផ្ដល់ឲ្យគាត់ ហើយស្ដាយណាស់"៕

ចុចអាន៖មិននឹកស្មាន យូ ឌីស្កូ ឈឺធ្ងន់ដល់ថ្នាក់នេះសោះ

ចុចអាន៖រឿងលម្អិត ខ្ញុង សែនព្រេនជាមួយនាយកៃដ ធ្វើជាប្ដីប្រពន្ធ

អត្ថបទ៖ ឆុង ស៊ីណាន