iPhone 8 Plus និង Note 8 មួយណាទប់លំនឹងសាហាវជាង ពេលថតវីដេអូ?
- 2017-09-28 01:44:32
- ចំនួនមតិ 0 | ចំនួនចែករំលែក 0
iPhone 8 Plus និង Note 8 មួយណាទប់លំនឹងសាហាវជាង ពេលថតវីដេអូ?
ចន្លោះមិនឃើញ
វិបសាយទូរសព្ទ Phone Arena បានបង្កើតការប្រៀបធៀបមួយ ដែលប្រៀបធៀបសមត្ថភាពរក្សាលំនឹងពេលថតវីដេអូនៅលើ iPhone 8 Plus និង Galaxy Note 8។
ក្រោយទស្សនាវីដេអូគេអាចនិយាយបានថាចំពោះការថតវីដេអូធម្មតា (ដោយមិនមានការ Zoom) ទាំង iPhone 8 Plus និង Galaxy Note 8 អាចរក្សាលំនឹងបានល្អដូចគ្នា។ ដោយឡែកនៅពេលដែលថតវីដេអូប្រភេទ Zoom ដែលតម្រូវឲ្យស្មាតហ្វូនទាំងពីរប្រើឡេន Telephoto នោះ បង្ហាញថា Galaxy Note 8 បានស៊ីដាច់ iPhone 8 Plus មួយទំហឹង។
ចំណុចដែលធ្វើឲ្យ Note 8 ធ្វើបានល្អជាងពេលថតវីដេអូ Zoom ក៏ដោយសារតែឡេន Telephoto របស់ Note 8 មានបំពាក់បច្ចេកវិទ្យារក្សាលំនឹង OIS ដូចជាកាមេរ៉ាមេដែរ ចំណែកឯ iPhone 8 Plus វិញមានមុខងាររក្សាលំនឹងតែនៅលើឡេនកាមេរ៉ាមេប៉ុណ្ណោះ។ យ៉ាងណាក្ដី iPhone X មានបំពាក់បច្ចេកវិទ្យារក្សាលំនឹង OIS នៅលើឡេនទាំងពីរគ្រាប់ ហេតុនេះប្រសិនបើយក iPhone X ប្រៀបធៀបនឹង Note 8 នោះលទ្ធផលអាចនឹងខុសពីនេះ៕