Lady Gaga ទទួលបានអំណោយពី Beyonce ខណៈខ្លួនកំពុងមានជំងឺ

2017-09-28 04:11:46
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះបញ្ជាក់ថាកំពូលតារាចម្រៀង Beyonce ពិតជាមិត្តដ៏ល្អម្នាក់ពិតមែន។ តារារូបនេះទើបតែផ្ញើអំណោយទៅកាន់មិត្តភ័ក្ដិ Lady Gaga ដើម្បីជាការរំសាយទុក្ខចំពោះជំងឺរបស់នាង ដែលទើបនឹងរើឡើងនៅពេលថ្មីៗនេះ។

កាលពីថ្ងៃអង្គារ Gaga បានបង្ហោះរូបថតមួយនៅលើបណ្ដាញសង្គម Instagram ចំពោះអំណោយដែល Beyonce បានប្រគល់ជូននាង។

Gaga បានសរសេរដូច្នេះថា៖ "ថ្ងៃនេះមិនសូវជាឈឺប៉ុន្មានទេ។ អរគុណសម្លាញ់ B ដែលបានផ្ញើកាដូអាវដ៏ស្រស់ស្អាតនេះ។ វានឹងធ្វើឲ្យខ្ញុំកក់ក្ដៅនៅខាងក្រៅ មិនថាជាគេងក្នុងអង្រឹងក្រោមដើមឈើ ចេញទៅក្រៅ ក្រោមមេឃ ក្រោមថ្ងៃ។ ខ្ញុំមានអារម្មណ៍ថាមានសំណាងណាស់ ចំពោះក្ដីស្រលាញ់ទាំងនេះ"។

ប៉ុន្មានម៉ោងក្រោយមកទៀត តារាវ័យ ៣១ឆ្នាំរូបនេះបានបង្ហោះរូបថតមួយទៀត ដែលក៏ជាកាដូពី Beyonce ដូចគ្នា។ កាដូនោះគឺជាផ្កាកូឡាប ដ៏ស្រស់ស្អាតពណ៌ក្រហមឆ្អិនឆ្អៅ។ នៅលើរូបនោះដែរ Gaga ក៏បានសរសេរពាក្យពេចន៍ខ្លះៗ រំលឹកពីពេលនាងត្រូវគេបណ្ដេញចេញពីផលិតកម្ម def jam records ហើយ Beyonce គឺជាតារាម្នាក់ដែលធ្វើឲ្យនឹងមានសង្ឃឹមក្នុងជីវិតឡើងវិញ។

Lady Gaga ទើបតែប្រាប់អ្នកគាំទ្ររបស់នាងទូទាំងពិភពលោកថា នាងកំពុងតែមានជំងឺ Fibromyalgia ដែលបង្កឲ្យឈឺសន្លាក់ឆ្អឹងនិងសាច់ដុំ បណ្ដាលឲ្យនាងផ្អាកការសម្ដែងខនសឺតជាច្រើនកន្លែង៕