Zayn Malik និងសង្សារបង្ហាញអារម្មណ៍ចំពោះបទចម្រៀងថ្មីរបស់ Taylor Swift

2017-09-29 00:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាចម្រៀង Zayn Malik បានបង្ហាញអារម្មណ៍ខ្លួនប្រាប់ទៅទស្សនាវដ្ដី US Weekly អំពីបទចម្រៀងថ្មីៗរបស់មិត្តល្អTaylor Swift ព្រមទាំងទំនាក់ទំនងនាងនឹងសង្សារខ្លួន Gigi Hadid។

Zayn Malik

ម្ចាស់បទ "Pillowtalk” វ័យ ២៤ ឆ្នាំរូបនេះដែលធ្លាប់ច្រៀងជាមួយ Taylor Swift មួយបទគឺបទ "I Don't Wanna Live Forever” បានប្រាប់ថា លោកពិតជាពេញចិត្តបទចម្រៀងថ្មីៗរបស់ Taylor ខ្លាំងមែនទែនជាពិសេសគឺបទ "Look What You Made Me Do”។

លោកបាននិយាយដូច្នេះថា៖ "ខ្ញុំបានឮពីបទថ្មីនេះ ហើយគិតថាវាពិតជាឡូយខ្លាំង"។ លោកបន្ដទៀតថា៖ "ខ្ញុំក៏ពេញចិត្តវីដេអូដែរ ខ្ញុំគិតថាវីដេអូចម្រៀងបទនេះពិតជាអស្ចារ្យខ្លាំង"។ នេះបើតាមការរាយរ៉ាប់របស់តារារូបនេះមកកាន់ US Weekly នៅក្នុងកម្មវិធីជប់លៀងនៅសណ្ឋាគារ The Jane Hotel នៅទីក្រុង New York កាលពីថ្ងៃទី ១២ ខែនេះ។

មិនត្រឹមតែប៉ុណ្ណោះសង្សាររបស់តារារូបសង្ហាម្នាក់នេះ តារាម៉ូដែល Gigi Hadid ក៏ពេញចិត្តបទថ្មីនេះផងដែរ។ Gigi និង Taylor គឺជាមិត្តដ៏ជិតស្និទ្ធមួយរូប ដល់ថ្នាក់នៅក្នុងឈុតមួយនៅក្នុងវីដេអូបទចម្រៀងថ្មីក៏មានឈ្មោះនាងនៅលើអាវយឺតរបស់Taylor ទៀតផង៕