ដល់ម្ល៉ឹងផង! ម្ដាយ Gigi Hadid ហៅ Zayn Malik ថាសមាជិកគ្រួសារពេញៗមាត់
- 2017-09-01 05:00:11
- ចំនួនមតិ 0 | ចំនួនចែករំលែក 0
ដល់ម្ល៉ឹងផង! ម្ដាយ Gigi Hadid ហៅ Zayn Malik ថាសមាជិកគ្រួសារពេញៗមាត់
ចន្លោះមិនឃើញ
លោកស្រី Yolanda Hadid ដែលត្រូវជាម្ដាយបង្កើតរបស់ Gigi Hadid បានហៅសង្សារកូនស្រីខ្លួនតារាចម្រៀង Zayn Malik ថាជាសមាជិកគ្រួសារពេញៗមាត់។
តារាកម្មវិធី Reality Show វ័យ ៥៣ឆ្នាំរូបនេះបានហៅ Zayn Malik ថាជាសមាជិកគ្រួសារ (Family) នៅលើរូបថតមួយសន្លឹកដែលបានបង្ហោះនៅលើបណ្ដាញសង្គម Instagram។ រូបថតនោះគឺជារូបដែលបង្ហាញ Zayn ឱបសង្សារខ្លួន Gigi ពោរពេញដោយក្ដីស្រលាញ់ មើលទៅពិតជាផ្អែមល្ហែមខ្លាំងណាស់។
លោកស្រីបានសរសេរថា៖ "❤ Summer Loving....... #Family” នៅលើទំព័រ Instagram ផ្ទាល់ខ្លួនជាមួយនឹងរូបភាពនេះកាលពីថ្ងៃពុធ។
នេះមិនមែនជាលើកទី១ទេ ដែលលោកស្រី Yolanda ហៅ Zayn ថា ជាសមាជិកគ្រួសារនៅលើបណ្ដាញសង្គម Instagram។ កាលពីខែកញ្ញាឆ្នាំមុន ក៏លោកស្រីធ្លាប់បង្ហោះរូបថតរបស់គូស្នេហ៍មួយគូនេះហើយហៅ Zayn ថាជាសមាជិកគ្រួសារដែរ។
លោកស្រី Yolanda មានកូនប្រុសស្រីចំនួន៣រូបគឺ Anwar វ័យ១៨ឆ្នាំ Bella វ័យ២០ឆ្នាំ និង Gigi។
Gigi និង Zayn បានទាក់ទងគ្នាតាំងពីឆ្នាំ ២០១៥មកម្ល៉េះ ហើយទំនាក់ទំនងរបស់អ្នកទាំងពីរនៅតែស្អិតរមួតបេះមិនចេញ៕
អានអត្ថបទ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
