លីគកំពូលកម្ពុជា នឹងប្ដូរទីកន្លែងប្រកួត ៥ប្រកួត ព្រោះជាន់ AFC U-19
- 2017-10-03 01:46:05
- ចំនួនមតិ 0 | ចំនួនចែករំលែក 0
លីគកំពូលកម្ពុជា នឹងប្ដូរទីកន្លែងប្រកួត ៥ប្រកួត ព្រោះជាន់ AFC U-19
ចន្លោះមិនឃើញ
ការប្រកួតលីគកំពូលកម្ពុជានឹងមានការផ្លាស់ប្ដូរទីកន្លែងប្រកួតខ្លះនៅសប្ដាហ៍ទី១៧ខាងមុខនេះ ដោយសារតែទីលានមួយចំនួនត្រូវយកទៅរៀបចំការប្រកួត AFC U19 Championship 2018។
សហព័ន្ធកីឡាបាល់ទាត់កម្ពុជាបានទទួលសិទ្ធិពី AFC ធ្វើជាម្ចាស់ផ្ទះវគ្គជម្រុះតាមពូលG ពានរង្វាន់ខាងលើនេះ ចាប់ពីថ្ងៃទី២៤ដល់២៨ខែតុលាឆ្នាំ២០១៧ខាងមុខនេះ នៅពហុកីឡដ្ឋានជាតិ។ សម្រាប់ក្រុមចូលរួមការប្រកួតមាន ចិន មីយ៉ាន់ម៉ា ហ្វីលីពីននិងកម្ពុជាផ្ទាល់ ហើយត្រូវប្រើប្រាស់ទីលានស្ដាតចាស់ RSN កីឡាដ្ឋានវេស្ទើន និងកីឡដ្ឋាន Blue Sport សម្រាប់ធ្វើការហ្វឹកហាត់ត្រៀមប្រកួត។
ដោយការប្រកួតខាងលើជាន់ជាមួយការប្រកួតលីគកំពូលកម្ពុជា ហើយពហុកីឡដ្ឋានជាតិត្រូវត្រួតពិនិត្យដោយខាង AFC តាំងពីថ្ងៃ២១តុលាទៅទៀតនោះ ទើបសហព័ន្ធកម្ពុជាសូមធ្វើការលើកការប្រកួត ៥ប្រកួតទៅប្រកួតនៅទីលានរបស់ខេត្តស្វាយរៀងវិញ។ ប្រកួតទាំង៥រួមមាន៖
(២១ តុលា ២០១៧) បឹងកេតប៉ះសីម៉ាក់ ម៉ោង៤នៅកីឡដ្ឋានស្វាយរៀង
(២១ តុលា ២០១៧) ណាហ្គាវើល ប៉ះព្រះខ័នរាជស្វាយរៀង ម៉ោង៦:៣០នាទីល្ងាច កីឡដ្ឋានស្វាយរៀង
(២២ តុលា ២០១៧) អគ្គិសនី ប៉ះ Cam-Tiger ម៉ោង៦:៣០នាទីល្ងាច កីឡដ្ឋានស្វាយរៀង
(២២ តុលា ២០១៧) អាស៊ីអឺរ៉ុប ប៉ះវេស្ទើន ម៉ោង ៤:០០នាទីរសៀល កីឡដ្ឋានស្វាយរៀង
(២៨ តុលា ២០១៧) បឹងកេត ប៉ះគីរីវង់សុខសែនជ័យ ម៉ោង ៦:០០ល្ងាច កីឡដ្ឋានស្វាយរៀង