ភ្នាក់ងារ​ជំនាញ​ខាង​វិភាគ​ផលិតផល​បច្ចេកវិទ្យា​របស់​ ​Apple​ ​ដ៏​ល្បីល្បាញ​ ​KGI Securities​ ​ដែល​មាន​លោក​ ​Ming-Chi Kuo​ ​ជា​អ្នក​នៅ​ពី​ក្រោយ​នោះ​ ​បាន​លើក​ឡើង​ថា​ ​យ៉ាង​ហោច​ ​២,៥​ ​ឆ្នាំ​ក្រោយ​ ​ទើប​ស្មាតហ្វូន​ ​Android​ ​អាច​មាន​សមត្ថភាព​កាមេរ៉ា​ស្មើ​នឹង​បច្ចេកវិទ្យា​ ​TrueDepth​ ​របស់​ ​iPhone X។

TrueDepth​ ​ជា​បច្ចេកវិទ្យា​សម្រាប់​ដំណើរការ​មុខងារ​ ​Face ID​ ​ដែល​ផលិត​ពិសេស​សម្រាប់​ ​iPhone X​ ​ដែល​ជា​ម៉ូដែល​អបអរ​ខួប​ ​១០​ ​ឆ្នាំ​នៃ​ត្រកូល​ ​iPhone។ TrueDepth​ ​ក៏​ជា​បច្ចេកវិទ្យា​ធ្វើ​ឲ្យ​ ​iPhone X​ ​ជា​ស្មាតហ្វូន​ដែល​មាន​សុវត្ថិភាព​ខ្ពស់​ ​ខណៈ​វា​ត្រូវ​ផលិត​ឡើង​ដើម្បី​ជំនួយ​ដល់​ការ​ទូទាត់​សាច់​ប្រាក់​តាម​អ៊ីនធឺណិត​ដោយ​ប្រើ​ ​Apple Pay​ ​កាន់​តែ​មាន​ភាព​រហ័ស​ ​និង​អាច​ទុក​ចិត្ត​បាន។

លើស​ពី​នេះ​ ​TrueDepth​ ​នៅ​ជា​មុខងារ​ឲ្យ​ ​iPhone X​ ​អាច​បង្កើត​រូប​ ​Animoji​ ​ដោយ​ការ​ស្កេន​មុខ​អ្នក​ប្រើប្រាស់​ ​ហើយ​នៅ​បន្ថែម​មុខងារ​ពិសេស​ថ្មី​ ​ដែល​ធ្វើ​ឲ្យ​ការ​ថត​ ​Selfie Portrait​ ​របស់​ ​iPhone X​ ​កាន់​តែ​ទាក់ទាញ៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• ក្រុមហ៊ុន​សន្តិសុខ​រក​ឃើញ​ថា​ផលិតផល​ Mac មួយចំនួនងាយរងគ្រោះពី​ការ​វាយ​ប្រហារ​
• អាង​តែ​មាន​មុន​គេ Apple ចេញ​ស្ពត​បង្អួត​មុខងារ Portrait Lighting

ប្រភព៖ redmondpie   ប្រែ​សម្រួល៖ រដ្ឋ