មន្ត្រីកីឡានៅ Catalan ចង់ឲ្យ Barcelona ទៅធ្វើសង្គ្រាមនៅអង់គ្លេស

2017-10-03 07:43:21
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Gerard Figueras ដែលជាមន្ត្រីកីឡានៅតំបន់ Catalan បានណែនាំ ឲ្យក្រុម Barcelona ទៅលេងនៅ Premier League ប្រសិនជាតំបន់តំបន់ Catalan អាចផ្ដាច់ខ្លួនចេញពីប្រទេសអេស្ប៉ាញ។

លោក Gerard Figueras

ការនិយាយបែបនេះដោយសារលោកមើលឃើញថា Premier League ជាលីគខ្លាំងមួយ និងបានលើកឧទាហរណ៍ក្រុម Swansea City របស់វេល ដែលកំពុងលេងអង់គ្លេសស្រាប់ជាគំរូ។ ទាក់ទិននឹងបញ្ហាចោទនេះលោក Josep Maria Bartomeu ដែលជាប្រធានរបស់ Barcelona ក៏បាននិយាយដែរថា ក្លឹបនឹងពិភាក្សាពីលទ្ធភាពនៃការចាកចេញពី La Liga ប្រសិន Catalan បានឯករាជ្យ។

“ស្ថានភាពនៃការចាកចេញនៅវែងឆ្ងាយទៀត ប៉ុន្តែនៅពេលអនាគតវានឹងអាចកើតឡើង។ វាគឺជាអ្វីៗដែលក្រុមប្រឹក្សាទាំងអស់ត្រូវពិភាក្សា។ វាគឺរឿងត្រូវវិភាគដោយស្ងប់ស្ងាត់។ ប្រសិនពួកយើងពិភាក្សាលើប្រធានបទនេះឲ្យស៊ីជម្រៅ នោះពួកយើងនឹងរកឃើញដំណោះស្រាយដ៏ល្អ។

ប្រសិនជាបានឯករាជ្យមែន ក្រៅពី Barcelona នៅមាន Espanyol និង Girona ក៏ស្ថិតនៅតំបន់ Catalan ដូចគ្នា ដូច្នេះពួកគេអាចសម្រេចចិត្តរើសលីគផ្សេងដើម្បីទៅលេង ដូចជានៅ បារាំង អ៊ីតាលី អាល្លឺម៉ង់ អង់គ្លេសជាដើម ប្រសិនមានការព្រមព្រៀងពីលីគទាំងនោះ៕