ប្រៀបធៀបកាមេរ៉ា Galaxy Note 8 និង iPhone 8 Plus ឲ្យដឹងសខ្មៅម្ដង

2017-10-04 01:52:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy Note 8 និង iPhone 8 Plus កំពុងប្រកួតប្រជែងគ្នាយ៉ាងក្ដៅគគុក ទាំងនៅលើទីផ្សារ ក៏ដូចជាក្នុងការសម្រេចចិត្តរបស់អតិថិជន។ ទាំង ២ ម៉ូដែលមានបំពាក់កាមេរ៉ាក្រោយភ្លោះទំហំ 12MP ចំនួន ២ គ្រាប់ដូចគ្នា មានមួយជាប្រភេទ Wide-angle និងមួយទៀតជា Telephoto ដែលរចនាឡើងផ្ដោតលើមុខងារ Portrait ជាសំខាន់។

ក្រុមការងារ Cnet បានសាកល្បងយកស្មាតហ្វូនទាំង ២ ទៅប្រៀបធៀបគុណភាពកាមេរ៉ា ក្នុងទម្រង់ថតបែប Portrait, Zoom, Close-up, Landscape, Low-light និងការថត Selfie ធម្មតា។ ក្រឡេកមើលការប្រៀបធៀបនៅខាងក្រោម

Close-up

Landscape

Low-light

Portrait

Selfie

Zoom

ការប្រៀបធៀបឃើញថា កាមេរ៉ា iPhone 8 Plus ផលិតរូបភាពមានភាពច្បាស់ម៉ត់ (Sharpness) ល្អជាង ប៉ុន្តែកម្រិតពណ៌បង្ហាញជាលក្ខណៈធម្មជាតិ (Natural) មិនភ្លឺច្បាស់ដូច Note 8 ឡើយ។ ដូចក្នុងរូបភាពក្មេងស្រី លើកដៃកាន់កន្សែង ដែលនាងមានសម្បុរខ្មៅ នៅពេលថតកាមេរ៉ា iPhone 8 Plus បង្ហាញមកខ្មៅតែម្ដង ចំណែកកាមេរ៉ា Note 8 ជំរុញគុណភាពពណ៌ឲ្យសច្បាស់ជាងធម្មតា។

ប៉ុន្តែការថតនៅទីងងឹត ពិតណាស់ដែល Note 8 នៅធ្វើមិនទាន់បានប្រសើរធៀបនឹងកាមេរ៉ា iPhone ធ្វើឲ្យគុណភាពរូបមើលទៅមិនច្បាស់នៅទីតាំងងងឹតជ្រុល ដែលនេះជាការវិវត្តដ៏ល្អរបស់ Apple នៅឆ្នាំ ២០១៧ នេះ។

ផ្អែកតាមចំណង់ចំណូលចិត្ត បើអ្នកចូលចិត្តរូបសស្អាត ខុសពីសម្បុរធម្មជាតិបន្តិច Note 8 អាចជាជម្រើសត្រឹមត្រូវ។ ជាពិសេសមុខងារ Pro Mode ដែលកាមេរ៉ា iPhone ពុំមាន អាចជួយឲ្យអ្នកមានជំនាញថតរូបអាចផលិតរូបចេញមកកាន់តែល្អមួយកម្រិតទៀត។

ប្រភព៖ Cnet ប្រែសម្រួល៖ កៅ រក្សា