iPhone 8/8Plus ចេញហើយ អ្នកគាំទ្រណាខ្លះចង់ប្តូរឡើងស៊េរី?

2017-10-04 06:44:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពេល iPhone ស៊េរីថ្មីចេញលក់នៅលើទីផ្សារកម្ពុជាបានជាងមួយសប្ដាហ៍មកមាន Fanខ្លះបានទិញប្រើប្រាស់និងខ្លះមិនទាន់បានទិញប្រើប្រាស់។ហើយពួកគេមានចំណាប់អារម្មណ៍អ្វីខ្លះចំពោះiPhone ស៊េរីថ្មីនេះ។

លោក កេត សាណា ជាបុគ្គលិកបម្រើការងារនៅហាងលក់សម្ភារៈអេឡិចត្រូនិកមួយកន្លែងនៅម្ដុំផ្លូវកម្ពុជាក្រោមបានប្រាប់ Sabay ថាចំពោះរូបលោកពុំទាន់ទិញ iPhone ស៊េរីថ្មីយកមកប្រើទេនិយាយផងសើចផងលោកប្រាប់ថាមិនទាន់បានប្រើស៊េរីចាស់សាំផងពុំទាន់ចង់ប្ដូរទេចាំមើលបន្តិចសិនចាំប្ដូរព្រោះមិនទាន់ហួសស៊េរីដែរ។

មិនខុសពីកញ្ញា ធីតា បានរៀបរាប់ប្រាប់ថាកញ្ញាពុំទាន់មានលទ្ធភាពគ្រប់គ្រាន់សម្រាប់ទិញស៊េរីថ្មីយកមកប្រើទេចាំឲ្យវាធ្លាក់ថ្លៃបន្តិចសិនព្រោះទើបនិងចេញបើទិញប្រើភ្លាមប្រើមិនទាន់បានប៉ុន្មានផងនឹងខាត់លុយច្រើនព្រោះលុយពិបាករកណាស់។

ខុសពីលោក រិទ្ធី ជាបុគ្គលិកបម្រើការងារនៅធនាគារក្នុងទីក្រុងភ្នំពេញប្រាប់ថាខ្លួនទើបតែទិញ iPhone 8 យកមកប្រើទោះបីជាចំណាយលុយច្រើននិងប្រើទៅខាត់បន្តិចមែនតែលោកពេញចិត្តសមត្ថភាពនិងរូបរាងរបស់វាហើយពិសេសបានប្រើវាមុនគេ។

ចំណែកលោក ស៊ីដែន ដែលកំពុងតែឈរពិនិត្យមើលiPhone 8 ដែលបម្រុងនឹងទិញនៅក្នុងហាងមួយកន្លែងប្រាប់ថាលោកមិនគិតពីតម្លៃប៉ុន្មានទេសំខាន់លោកបានប្រើរបស់ថ្មីហើយចង់ដឹងថាវាមានអ្វីដែលខុសប្លែកខ្លះ។លោកបន្តថា iPhone ជាផលិតផលដែលលោកប្រើតាំងពីចេញមកដំបូងមកម្ល៉េះ។