ខំជិះយន្តហោះទៅវះកាត់កែសម្ផស្សនៅកូរ៉េ តែពេលត្រឡប់មកវិញ ចេញមិនរួច

2017-10-10 04:05:18
ចំនួនមតិ 0 | ចំនួនចែករំលែក 0

ចន្លោះមិនឃើញ

នារី ៣នាក់ បានធ្វើដំណើរទៅកាន់ប្រទេសកូរ៉េខាងត្បូង ដើម្បីវះកាត់កែសម្ផស្ស ប៉ុន្តែជាអកុសលមិនអាចចាកចេញពីព្រលានយន្តហោះត្រលប់ទៅស្រុកកំណើតវិញបាន ដោយសារតែមុខមាត់ពួកគេខុសពីរូបថតក្នុងលិខិតឆ្លងដែន។

តាមប្រភពនារីទាំង ៣នាក់ មកពីប្រទេសចិន ក្រោយពីធូរស្បើយពីមុខរបួសខ្លះ ពួកគេសម្រេចចាកចេញទៅប្រទេសកំណើតទាំងមុខហើម និងបង់រុំជុំវិញក្បាល។ យោងតាមសារព័ត៌មានចិន មុខមាត់ពួកគេមើលទៅមិនដូចនឹងរូបថតលិខិតឆ្លងដែនបន្តិចសោះឡើយ។

រូបថតពួកគេ ត្រូវបានបង្ហោះលើបណ្ដាញសង្គមចិន និងទទួលបានការចូលចិត្តជិត ៧ម៉ឺននាក់ និងចែករំលែកបន្តជិត ៣ម៉ឺនដង។ យ៉ាងណាមកទល់ពេលនេះ គេពុំទាន់ទទួលដំណឹងថា ពួកគេអាចត្រលប់ទៅប្រទេសកំណើតបានវិញ ឬយ៉ាងណាទេ។

កូរ៉េខាងត្បូង ជាប្រទេសគោលដៅសម្រាប់ស្ត្រីជនជាតិចិន ក្នុងការធ្វើដំណើរទៅកែសម្ផស្សជិតពីរ ២ទសវត្សរ៍ចុងក្រោយនេះហើយ៕