G-Dragon យកអាវស្រីមកពាក់ រហូតទស្សនាវដ្ដីដ៏ល្បី Vogue លាន់មាត់!

2017-10-12 04:26:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងលំដាប់កំពូលរបស់ប្រទេសកូរ៉េ G-Dragon បានបង្ហាញខ្លួនក្នុងកម្មវិធីបង្ហាញម៉ូដ Chanel Fashion Show ក្នុងទីក្រុងប៉ារីស ប្រទេសបារាំង ជាមួយម៉ូដសម្លៀកបំពាក់ដ៏ទាន់សម័យ។

មេក្រុម BIGBANG រូបនេះបានពាក់អាវយឺតស្រីពណ៌ខ្មៅ លាយជាមួយត្បូងតូចៗ និងបន្ថែមការរចនាផ្ទាល់ខ្លួនខ្លះ ដែលមើលទៅប្លែកម្យ៉ាង។ តាមរយៈការបង្ហាញខ្លួននេះ ទស្សនាវដ្ដីដ៏ល្បី Vogue កោតសរសើរដោយស្មោះចំពោះគំនិតប្លែកៗផ្នែកម៉ូដរបស់លោក ដែលបានធ្វើឲ្យសម្លៀកបំពាក់កាន់តែមានភាពអស្ចារ្យមួយកម្រិត។

ម្យ៉ាង ម៉ូដនេះដដែល ក៏អាចជំរុញអោយមនុស្សយល់ដឹងពីការជ្រើសសម្លៀកបំពាក់នៃភេទផ្ទុយគ្នា ដែលមានន័យថា សម្លៀកបំពាក់មួយចំនួនរបស់មនុស្សស្រី បុរសក៏អាចពាក់បាន ហើយសម្លៀកបំពាក់សម្រាប់នារី ប្រុសៗក៏អាចប្រើបាន។

គួរបញ្ជាក់ផងដែរថា តារាវ័យ២៩ឆ្នាំរូបនេះ តែងជ្រើសរើសការស្លៀកពាក់លក្ខណៈផ្ទាល់ខ្លួន មិនថាលោកចូលរួមកម្មវិធីណាឡើយ ហើយរាល់ពេលបង្ហាញខ្លួន មហាជនតែងផ្ដោតការចាប់អារម្មណ៍មកលើការរៀបចំខ្លួនរបស់លោកជានិច្ច៕