ទឹកជំនន់លិចកសិដ្ឋានចិញ្ចឹមជ្រូកនៅវៀតណាម ឃើញហើយខ្លោចចិត្ត

2017-10-13 04:19:58
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មនុស្ស ៤០នាក់ បានស្លាប់បាត់បង់ជីវិត ២២នាក់បាត់ខ្លួន និង២១នាក់ បានរងរបួស បន្ទាប់ពីភ្លៀងធ្លាក់ដូចគេហែកមេឃចំនួន ២ថ្ងៃ បង្កឲ្យកើតមានគ្រោះទឹកជំនន់នៅភាគកណ្ដាលផ្នែកខាងជើង និងភាគខាងជើងប្រទេសវៀតណាម។

ក្នុងចំណោមអ្នកស្លាប់ទាំងអស់ មាន ១៥នាក់ រស់នៅខេត្តហ៊ោប៊ិញ (Hoa Binh), ៥នាក់ខេត្តស៊ុនឡា (Son La), ៤នាក់ខេត្តយេនបាយ (Yen Bai), ៨នាក់ខេត្តថាញ់ហោ (Thanh Hoa) និង ៨នាក់រស់នៅខេត្តញ៉េអាន់ (Nghe An)។

ផ្ទះប្រជាជនចំនួន ២១៧ខ្នង ត្រូវបានទឹកកួចយកទៅ និង ១ ០៥៩ខ្នង ត្រូវបានកម្លាំងខ្យល់ និងទឹកវាយបក់បោកខូចខាតយ៉ាងដំណំ។ នៅថ្ងៃព្រហស្បតិ៍ម្សិលមិញ សាកសពចំនួន ៦ ត្រូវគេរកឃើញពីការបាក់ដីសង្កត់នៅភូមិ Khanh ដែលកើតឡើងនៅម៉ោង ១រំលងអាធ្រាត្រ។

គួរបញ្ជាក់ថា ភ្លៀងចាប់ផ្ដើមធ្លាក់ខ្លាំងនៅព្រឹកថ្ងៃអង្គារទី ១០ ដល់ថ្ងៃទី ១១ថ្ងៃពុធតុលា។ អ្វីដែលធ្វើឲ្យគ្រប់គ្នាកាន់តែរន្ធត់ចិត្ត គឺនៅពេលឃើញកសិដ្ឋានចិញ្ចឹមជ្រូកមួយកន្លែងក្នុងស្រុក Yên Định ខេត្ត Thanh Hoa បានលិចលង់ ប្រល័យជីវិតកូនជ្រូកជាង ៤ ០០០ក្បាល៕