ពាក្យបច្ចេកទេសក្នុងកាមេរ៉ា ដែលអ្នកអានដាច់ តែមិនដឹងមានន័យថាយ៉ាងម៉េច!

2017-10-15 07:48:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញ ក្រុមការងារបានពន្យល់អត្ថន័យពាក្យបច្ចេកទេសខ្លីៗលើកាមេរ៉ាតាមលំដាប់អក្ខរក្រមចាប់ពីអក្សរ A។ ថ្ងៃនេះ នឹងបន្តពន្យល់ពាក្យមួយចំនួនទៀតដែលតទៅអក្សរ B ទៅ C។

@Barrel Distortion ៖ Barrel distortion ជាធម្មតាកើតមានឡើង ពេលប្រើប្រាស់ Wide-angle lens និងលើកាមេរ៉ាមានតម្លៃធូរថ្លៃ។ ភាគច្រើនអាចសម្គាល់លើរូបភាពមានបន្ទាត់ស្របគ្នាក្នុងផ្ទៃបញ្ឈរ ឬផ្តេក។

@Batch Scan ៖ សំដៅលើសមត្ថភាពក្នុងការ Scan និង Process ច្រើនជាងរូបភាពមួយ ក្នុងសកម្មភាពតែមួយ។ Batch scan គួរប្រើប្រាស់ពេលរាល់រូបភាពដែលត្រូវ Scan មានតម្លៃ Tonal ស្មើគ្នា។

@Bit ៖ Bit (binary digit) ជាខ្នាតតូចបំផុតនៃព័ត៌មាន ដែល 8 bits ស្មើនឹង 1byte។ រូបភាពត្រូវបានកំណត់ដោយចំនួន Bit ដែលតំណាងឲ្យ Pixel នីមួយៗ។ រូបភាព 1-bit ជា Monochrome។ រូបភាព 8-bit អាចប្រើប្រាស់ពណ៌បាន ២៥៦ ឬ Grayscale ខណៈ រូបភាព 24 ឬ 32-bit អាចប្រើប្រាស់បានកម្រិតពណ៌កាន់តែច្រើន។

@Bitmap ៖ វិធីសាស្ត្រនៃការរក្សាទុកនូវព័ត៌មានដោយរៀបចំនូវរូបភាពពីមួយ Bit ទៅ មួយ Bit។ ដង់ស៊ីតេ Pixels កំណត់នូវលក្ខណៈច្បាស់នៃ Resolution របស់រូបភាព។ File រូបភាពភាគច្រើនត្រូវបាន Bitmap។ រូបភាព Bitmap អាចប្រើប្រាស់បានលើគ្រប់ប្រភេទកុំព្យូទ័រ។

@Blocked Shadows ៖ ការបាត់បង់ភាពលម្អិតនៃស្រមោលក្នុងរូបភាព កើតឡើងពីការកំណត់ពន្លឺទាប (ងងឹត) ឬរូបភាពចាប់យកដោយ Image sensor មាន Resolution ទាប។

Bloomings ៖ សំដៅលើចំណុចភ្លឺនៅជុំវិញ File រូបភាព។ Blooming បណ្តាលមកពីពេលផ្នែកនៃ Image sensor ក្នុងកាមេរ៉ាត្រូវបានកំណត់ពន្លឺភ្លឺពេក។

@Blowout ៖ Blowout កើតពីការកំណត់ពន្លឺភ្លឺជ្រុល ដែលធ្វើឲ្យបាត់បង់ភាពលម្អិតនៃតំបន់ Highlight លើកលែងតែ File រូបភាព Raw ដែលថតក្នុងកម្រិត ២ stops ក្នុង Exposure ដែលអាចកែតម្រូវពេលក្រោយបាន។

@BMP ៖ ទម្រង់ File bit-mapped ប្រើប្រាស់ដោយក្រុមហ៊ុន Microsoft Windows។ ទម្រង់ BMP អាចប្រើប្រាស់ជាមួយនឹង RGB, indexed-color, grayscale និង Bitmap color mode។

@Bokeh ៖ សំដៅការ Focus រូបភាពលក្ខណៈព្រាល Depth of field។ Bokeh បង្ហាញរង្វង់មូលតូចៗក្នុងតំបន់មិនច្បាស់។

@Bracketing ៖ ទាក់ទងនឹងការថតរូបជាច្រើនលើទិដ្ឋភាពតែមួយ ដោយធ្វើការរួមបញ្ចូលរូបភាពច្រើនដោយជ្រើសរើសតំបន់ Highlight ល្អបំផុត ទៅជារូបភាពតែមួយ។

@Buffer Memory ៖ Buffer memory ធ្វើការរក្សាទុកនូវទិន្នន័យដោយរង់ចាំការដំណើរការក្នុងកាមេរ៉ា។ Buffer អាចឲ្យកាមេរ៉ាបន្តថតនូវរូបភាពថ្មី ដោយមិនបិទខណៈរូបភាពមុនដំណើរការ។ Printer ក៏ប្រើប្រាស់នូវ Buffer ដែលអាចឲ្យអ្នក Print ទិន្នន័យជាបន្តបន្ទាប់បាន។

@Burst Rate ៖ ចំនួនរូបភាពដែលតជាប់គ្នាលើកាមេរ៉ាអាចថតបានជាបន្តបន្ទាប់។ ដើម្បីថតនូវបណ្ដុំរូបភាព កាមេរ៉ាត្រូវបាន Lock ចូលទៅកាន់ Burst mode ឬ Continuous mode។

@Card Reader/Writer ៖ ឧបករណ៍ដែលអាចបញ្ជូនទិន្នន័យដោយផ្ទាល់ ដោយអាចដកដាក់ពីម៉ាស៊ីនទៅកាន់កុំព្យូទ័រ ដោយមិនភ្ជាប់កាមេរ៉ាដោយផ្ទាល់ទៅកាន់កុំព្យូទ័រ។

@CCD (Charge-Coupled Device) ៖ វាអាចបម្លែងនូវរូបភាពលក្ខណៈ Optical ទៅជា Electronic signal។ CCD ផ្ទុកនូវក្រឡាតូចៗ, Light-sensitive mechanism (Pixels) ដែលបង្កើតនូវ Electronic pulse ពេល Charge តាមអេឡិចត្រូនិក និង បង្ហាញជាពន្លឺ។ Pulse ទាំងនេះដំណើរការជាមួយនឹង Pixels នៅជុំវិញរាប់លាន ដើម្បីផលិតរូបភាព។ CCDs និង CMOS (Complementary Metal Oxide Semiconductor) sensor ជាបច្ចេកវិទ្យាមានការនិយមប្រើសម្រាប់រូបភាពឌីជីថល។

@CCD, Linear ៖ Aka scanner ប្រភេទ CCD, linear CCD ជា Sensor មានលក្ខណៈវែង និងស្តើងដែលចាប់យករូបភាពដោយថតនូវចំនួនធំមួយនៃ Exposure មួយៗ ពេល Scan លើ Frame រូបភាព ដែលល្អបំផុតសម្រាប់ពេល Subject នៅនឹង។ Linear CCD មានការប្រើប្រាស់ច្រើនសម្រាប់ Technical applications។

@Chromatic Aberration ៖ Chromatic Aberration ឬហៅថា Color fringing ដែលកើតឡើងពេលរលកចម្ងាយនូវបណ្ដុំពណ៌នៃរូបភាព មានលក្ខណៈមិនប្រក្រតី។ Chromatic aberration ភាគច្រើនអាចសម្គាល់លើគែមនៃរូបភាពដែលមានលក្ខណៈ Contrast ខ្ពស់។ Chromatic aberration កើតឡើងភាគច្រើនលើ Lens តម្លៃធូរថ្លៃ សូម្បីតែ Optic ល្អបំផុតក៏អាចបង្ហាញនូវកម្រិតទាបនៃ Chromatic aberration បានដែរ។

@CMOS (Complementary Metal Oxide Semiconductor) ៖ CMOS ជាប្រភេទ Image sensor ដែល CMOS chips ប្រើប្រាស់ថាមពលតិចជាង Sensor ប្រភេទ CCD ហើយជាបច្ចេកវិទ្យាលើរូបភាពដែលនិយមប្រើប្រាស់ក្នុងកាមេរ៉ា DSLRs។ ថ្វីបើធ្លាប់ជាបច្ចេកវិទ្យាកម្រិតទាប បើប្រៀបធៀបទៅនឹង CCD sensor ក៏ដោយ ប៉ុន្តែ CMOS sensor មានលក្ខណៈល្អប្រសើរឡើងច្រើន។

@CMY Color (Cyan, Magenta និង Yellow) ៖ ពណ៌ទាំងបីនេះអាចរួមបញ្ចូលគ្នាដើម្បីបង្កើតម្តងទៀតនូវរាល់ពណ៌ដទៃទៀត។ ដូចទៅនឹង CMYK ដែរ CMY ត្រូវបានប្រើប្រាស់ក្នុងការ Print (បោះពុម្ព ឬផ្ដិត) ដើម្បីបង្កើតនូវពណ៌ដែលបានឃើញក្នុងសន្លឹក Print ជាមួយនឹងដង់ស៊ីតេតិចក្នុងលក្ខណៈពណ៌ខ្មៅជាង ពណ៌ CMYK។ ពណ៌ CMY ត្រូវបានប្រើប្រាស់លើ Desktop printer តម្លៃថ្លៃ។

@CMYK Color (Cyan, Magenta, Yellow, Black) ៖ CMYK ជាប្រភេទ Color space ប្រើប្រាស់សម្រាប់ Commercial offset printing។ CMYK ក៏ជាប្រភេទ Color space ដែលដំណើរការសម្រាប់ inkjet, laser, dye-sublimation និង Wax thermal printer ផងដែរ។

@Codec ៖ Codec ជាទម្រង់ File សម្រាប់ថតជា File វីដេអូ។ Codec និយមប្រើប្រាស់មាន H.264, MJPEG, MPEG-4 AVC/H.264 និង AVCHD។

@Color Calibration ៖ ដំណើរការដែលប្រភពរូបភាព (បានពី កាមេរ៉ា ឬ Scanner), Monitor និង Printer ត្រូវបានកែតម្រូវក្នុងការប្រើប្រាស់ពណ៌ស្តង់ដារដូចគ្នា ឬស្រដៀងគ្នា ឧទាហរណ៍ Adobe RGB, sRGB។ វាអាចធានាបានថារូបភាពដែលបង្ហាញលើ Monitor មាននូវកម្រិតពណ៌ដូចនឹងរូបភាពដែលបានផ្ដិត។

@Color Depth ៖ ចំនួនពណ៌ដែលតំណាងដោយផ្នែកនៃ Hardware ឬ Software។ Color depth ពេលខ្លះសំដៅលើ Bit depth ដោយសារវាទាក់ទងទៅនឹងចំនួន Bits ដែលប្រើប្រាស់សម្រាប់ Pixels នីមួយៗ។ ឧទាហរណ៍ កាមេរ៉ា 24-bit មាននូវ Color depth ពីរ (ពីរ bits នៃពណ៌) មាន Dynamic range ចំនួនពណ៌ ១៦,៧៧៧,២១៦។ ស្រដៀងគ្នាដែរ Monitor ពណ៌ 8-bit ធូរថ្លៃអាចផលិតឡើងវិញតែ ២៥៦ ពណ៌ ដែលតិចជាងកម្រិតពណ៌ផ្ទុកក្នុង File រូបភាព ថតដោយស្ទើរតែគ្រប់កាមេរ៉ា។

@Color Management ៖ ប្រព័ន្ធសម្របសម្រួល និងកែតម្រូវនូវ Color space នៃកាមេរ៉ា, Scanner, Monitor និង Printer ដើម្បីធានាថា ពណ៌ និងតម្លៃ Tonal នៃរូបភាពដែលអ្នកឃើញលើអេក្រង់ ត្រូវគ្នានឹងរូបភាពបាន Print។

@Color Palette ៖ Palette ជាបណ្ដុំពណ៌ដែលមានលក្ខណៈស៊ីគ្នាល្អ ទៅនឹងពណ៌មួយ។ ឧទាហរណ៍ ប្រព័ន្ធកុំព្យូទ័រជាច្រើនអាចបង្ហាញនូវ ១៦ លានពណ៌ផ្សេងគ្នា ប៉ុន្តែកម្មវិធីប្រើប្រាស់តែ ២៥៦ ពណ៌ក្នុងពេលមួយដង បើសិនជា Display ស្ថិតក្នុង Mode ពណ៌ ២៥៦។ Palette របស់ប្រព័ន្ធកុំព្យូទ័រ មាននូវ ១៦ លានពណ៌ ប៉ុន្តែ Palette របស់កម្មវិធីមានតែសំណុំពណ៌ ២៥៦ ប៉ុណ្ណោះ។

@Color Space ៖ កម្រិតពណ៌ដែលអាចផលិតឡើងលើ Monitor កុំព្យូទ័រ ដែលភាគច្រើនប្រើប្រាស់សម្រាប់រូបភាពមាន RGB និង Wider-gamut Adobe RGB (១៩៩៨)។

@CompactFlash Card (CF) ៖ Flash memory device ដែលមានការនិយមប្រើប្រាស់ច្រើន ដោយមិនដូចទៅនឹង MicroDrive នោះទេ CF cards ថ្មីនេះមានលក្ខណៈ Solid state (សៀគ្វី ឬ Device បង្កើតពីធាតុរឹង), ដំណើរការល្អ និងអាចប្រតិបត្តិការក្រោមលក្ខខណ្ឌបរិយាកាសក្តៅបាន។ សម្រាប់ទម្រង់ CF cards មានការប្រើប្រាស់ថមថយជា Data storage ក្នុងកាមេរ៉ាទំហំតូច ដោយប្រើប្រាស់ជំនួសវិញនូវ SD ឬ SDHC ឬ SDXC memory។

@Compression ៖ វិធីសាស្ត្រក្នុងការកាត់បន្ថយនូវទំហំ File រូបភាពក្នុងការបន្ថយទំហំរក្សាទុកក្នុង Memory card និង Hard drive។ បច្ចេកវិទ្យា Lossless ធ្វើការ Compress ទិន្នន័យរូបភាពដោយមិនលុបនូវភាពលម្អិត ខណៈបច្ចេកវិទ្យា Lossy ធ្វើការ Compress រូបភាពដោយលុបនូវភាពលម្អិត។ JPEG (Joint Photographic Experts Group) ជាទម្រង់ Lossy compression ដែលបានប្រើប្រាស់ដោយ JPEG, PDF និង ទម្រង់ File ភាសា PostScript។ ទម្រង់វីដេអូភាគច្រើនក៏ជាទម្រង់ Lossy ផងដែរ។ File TIFF មិនដូច្នេះទេ ហើយមានលក្ខណៈល្អជាង JPEGs និង ទម្រង់ File lossy ផ្សេងទៀតផងដែរ។

@Color Temperature ៖ Linear scale សម្រាប់កំណត់នូវលក្ខណៈពណ៌នៃ Ambient light (ពន្លឺដែលបានបង្ហាញក្នុងទិដ្ឋភាព មុនពន្លឺដទៃទៀត ត្រូវបានបន្ថែម) ជាមួយនឹងពន្លឺស្រទំ (ពណ៌លឿង) ដែលកំណត់ក្នុងចំនួនទាប និងពន្លឺស្រលះ (ពណ៌ខៀវ) ដែលកំណត់ក្នុងចំនួនខ្ពស់។

Colorimeter Hardware device បានរចនាឡើងដើម្បីវិភាគនៃលក្ខណៈពណ៌។

តាមដានអត្ថបទក្រោយៗដើម្បីដឹងពីអត្ថន័យពាក្យបច្ចេកទេសបន្ថែមទៀត៕

ចុចអានបន្ត៖

ប្រភព៖ Bh Photo Video ប្រែសម្រួល៖ ប៊ុន ធឿន