ឌូតឺតេ ប្រកាសទីក្រុងម៉ារ៉ាវី ដណ្ដើមបានពីក្រុមភេរវកហើយ តែអ្នកស្លាប់ជាង ១ពាន់នាក់
- 2017-10-17 10:13:27
- ចំនួនមតិ 0 | ចំនួនចែករំលែក 0
ឌូតឺតេ ប្រកាសទីក្រុងម៉ារ៉ាវី ដណ្ដើមបានពីក្រុមភេរវកហើយ តែអ្នកស្លាប់ជាង ១ពាន់នាក់
ចន្លោះមិនឃើញ
នៅរសៀលថ្ងៃអង្គារទី ១៧តុលានេះ ប្រធានាធិបតីហ្វីលីពីន ឌូតឺតេ បានប្រកាសថា ទីក្រុងម៉ារ៉ាវី ត្រូវបានដណ្ដើមយកមកវិញទាំងស្រុងហើយ បន្ទាប់ពីប្រយុទ្ធតតាំងជាមួយក្រុមភេរវកបណ្ដាញរដ្ឋឥស្លាមជាង ៤ខែ។
ប៉ុន្តែគួរឲ្យសោកស្ដាយ គឺជម្លោះនេះបានផ្ដាច់ជីវិតមនុស្សជាង ១ ០០០នាក់ និងជាង ៤០ម៉ឺននាក់ត្រូវជម្លៀសចេញពីផ្ទះសម្បែង។
លោក ឌូតឺតេ ថ្លែងពីមុខទាហានថា "អស់លោក លោកស្រីអ្នកនាងកញ្ញា ខ្ញុំសូមប្រកាសថា ទីក្រុងម៉ារ៉ាវី (Marawi) ដែលក្រុមភេរវកកាន់កាប់ យើងដណ្ដើមបានមកវិញហើយ"។ ការប្រកាសគួរឲ្យសាទរនេះ ធ្វើឡើងមួយថ្ងៃបន្ទាប់ពីមេដឹកនាំកំពូលក្រុមភេរវកលោក Isnilon Hapilon និង Omar Maute ត្រូវបានយោធាហ្វីលីពីនសម្លាប់នៅព្រលឹមថ្ងៃច័ន្ទ។
គួរបញ្ជាក់ថា ទីក្រុងម៉ារ៉ាវី ត្រូវបានក្រុមភេរវក Maute ជាបណ្ដាញរបស់ ISIS ចូលកាន់កាប់ចាប់តាំងពីថ្ងៃទី ២៣ឧសភា ឆ្នាំ ២០១៧ មក។ ទោះបីជាមានការប្រកាសដណ្ដើមបាន ប៉ុន្តែទីក្រុងនេះត្រូវស្ថិតក្នុងច្បាប់អាជ្ញាសឹករហូតដល់ខែធ្នូ ឆ្នាំ ២០១៧៕
ចុចអាន៖
ឌូតឺតេ យល់ព្រមឲ្យនិស្សិតរៀននៅសាលារដ្ឋទូទាំងប្រទេស មិនបាច់បង់ប្រាក់
គណៈកម្មការសិទ្ធិមនុស្សហ្វីលីពីនស្នើកញ្ចប់ថវិកា ៣៤លានដុល្លារ បែរទទួលបាន២០ដុល្លារ