រន្ធត់ខ្លាំងណាស់! ឈុតដែលបានកាត់ចោលក្នុងរឿង "It” សាហាវដល់ម្ល៉ឹង

2017-10-18 02:51:24
ចំនួនមតិ 0 | ចំនួនចែករំលែក 0

ចន្លោះមិនឃើញ

“It” ត្រូវបានគេទទួលស្គាល់ថាជាភាពយន្តមួយដែលសាហាវខ្លាំងបំផុតចំពោះរឿងប្រភេទរន្ធត់បែបនេះ។

ប៉ុន្តែអ្វីដែលអ្នកបានឃើញនៅរោងកុនគឺមិនទាន់ឃើញធាតុពិតរបស់ "It” នៅឡើយ ដោយសារតែឈុតឆាកដែលសាហាវបំផុតនៃរឿងនេះត្រូវបានគេកាត់ចេញ។

ឈុតមួយក្នុងរឿង "It"

នៅក្នុងអត្ថបទនិយាយ (Podcast) ចំណងជើងថា “Throwing Shade” តារាសម្ដែង Timothy Simons វ័យ ៣៩ឆ្នាំបានបញ្ជាក់ថា លោកធ្លាប់បានចូលសមសម្ដែងសាកល្បងដើម្បីដើរតួជាតួអង្គមនុស្សគូរមុខ (Clown) ឈ្មោះ Pennywise ហើយការសម្ដែងសាកល្បងនោះគឺវាពិតជាគួរឲ្យព្រឺក្បាល។

ក្នុងឈុតនោះ តារាសម្ដែងរូបនេះបានបកស្រាយថា តួអង្គ Pennywise បានបង្ខំស្រីម្នាក់ឲ្យប្រគល់ទារកមកខ្លួន ដើម្បីយកមកបរិភោគ ហើយឈុតឆាកនេះពិតជាគួរឲ្យខ្លាចខ្លាំងណាស់។

អ្វីដែលគួរឲ្យខ្លាចបំផុតនោះគឺរបៀបដែល "It” គំរាមស្រីម្នាក់នោះថាបើនាងមិនព្រមធ្វើដូច្នេះទេ នឹងមានរឿងជាច្រើនដែលយើងអាចធ្វើទៅកាន់នាង ហើយវាគឺសុទ្ធតែអាក្រក់ទាំងអស់។

ប៉ុន្តែក្រោយមកឈុតឆាកនេះក៏ត្រូវបានកាត់ចោលទៅវិញ ដោយសារតែវាសាហាវពេក។

ទីបំផុតតួអង្គ Pennywise ក៏បានទៅលើតារាសម្ដែងវ័យ ២៧ឆ្នាំឈ្មោះ Bill Skarsgård។ ភាពយន្តនេះទទួលបានការពេញនិយមនិងគាំទ្រយ៉ាងខ្លាំងដែលអាចរកចំណូលបានដល់ទៅ ៦៣០លានដុល្លារទូទាំងពិភពលោក ធ្វើឲ្យវគ្គបន្តរបស់រឿងនេះនឹងចេញឆាប់ៗនៅឆ្នាំ ២០១៩នេះហើយ៕