ហេតុផល អ្នកគួររៀនជំនាញបច្ចេកវិទ្យា មិនស្តាយលុយ

2017-10-19 04:30:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សាលាកាន់តែច្រើនបានបើកជែងជើងគ្នា លើការបណ្តុះបណ្តាលជំនាញបច្ចេកវិទ្យា។ កំណើនសិស្សចូលរួម កើនឡើងពីមួយឆ្នាំទៅមួយឆ្នាំ ក្នុងពេលទីផ្សារការងារក៏សំបូរបែបទៀត។

លោក ឆុន វាសនា អតីតសាស្ត្រាចារ្យ វិទ្យាស្ថាន ស៊ីតិច និងជាអនុប្រធាននាយកដ្ឋានបច្ចេកទេស វិទ្យុជាតិកម្ពុជាទទួលបន្ទុកផ្នែក ICT នៃក្រសួងព័ត៌មានលើកឡើង ៣ ចំណុចសិស្សដែលចាប់ជំនាញព័ត៌មានវិទ្យារៀនមិនខកចិត្តទេ។

សម័យកាលបច្ចេកវិទ្យា

បច្ចេកវិទ្យា កំពុងតែមានការប្រើប្រាស់ច្រើននៅក្នុងប្រទេសកម្ពុជា។ ជាក់ស្ដែងបច្ចុប្បន្នមានការប្រើប្រាស់ប្រព័ន្ធអ៊ីនធឺណិត បណ្ដាញទំនាក់ទំនងសង្គម ប្រព័ន្ធកុំព្យូទ័រ ទូរសព្ទទំនើបៗទាំងនេះធ្វើឲ្យមានតម្រូវការអ្នកមានជំនាញនេះច្រើនដើម្បីធ្វើការគ្រប់គ្រងនិងស្វែងរកអ្វីដែលថ្មីមកអភិវឌ្ឍន៍វិស័យនេះឲ្យកាន់តែជឿនលឿនបន្ថែមទៀត។

តម្រូវការការងារ

បច្ចុប្បន្នវិស័យបច្ចេកវិទ្យា កំពុងវាយលុកគ្រប់វិស័យនៅក្នុងប្រទេសកម្ពុជា ដូចនេះអ្នកដែលមានជំនាញនេះមានឱកាសច្រើនអាចទទួលបានការងារនៅតាមស្ថាប័នរដ្ឋ ក្រុមហ៊ុនឯកជន ធនាគារ អង្គការប្រព័ន្ធផ្សព្វផ្សាយ កម្សាន្ត ទំនាក់ទំនង និងក្លាយជាអ្នកបច្ចេកទេស គ្រប់គ្រងទិន្នន័យ ប្រព័ន្ធសុវត្ថិភាព ដែលត្រូវទាមទារឲ្យមានជំនាញនេះច្បាស់លាស់ផងដែរ។

ទទួលបានប្រាក់ខែខ្ពស់

អ្នកដែលមានជំនាញនេះតែងតែមានការឲ្យតម្លៃនិងការលើកទឹកចិត្ត ជាមួយនឹងប្រាក់ចំណូលខ្ពស់ដោយក្លាយជាអ្នកធ្វើការនៅតាមក្រុមហ៊ុនធំៗ ឬ ក្រុមហ៊ុនអន្តរជាតិដែលទទួលបានមុខតំណែងខ្ពស់។ លើសពីនេះក៏អាចក្លាយជាម្ចាស់អាជីវកម្មផ្ទាល់ខ្លួនតាមរយះការបង្កើតថ្មី។

ចុចអានបន្ត៖

-អ្នកចូលចិត្ត Live Stream ច្បាស់ជាស្គាល់កម្មវិធីល្បីៗទាំង ៥ នេះ

-វិធីធ្វើឲ្យ iPhone ស៊ីមេមូរីតិចជាងមុនពីរដង ពេលថតរូប/វីដេអូ

អត្ថបទ៖ ម៉េងងី