Demi Lovato និងម្ចាស់បទ "Despacito" នឹងមានបទចម្រៀងរួមគ្នាឆាប់ៗ!

2017-10-24 23:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលប៉ុន្មានសប្ដាហ៍ហើយដែលពាក្យចចាមអារ៉ាមថាតារាចម្រៀង Demi Lovato និង Luis Fonsi សហការជាមួយគ្នាថតបទចម្រៀងថ្មី ហើយបានធ្វើឲ្យអ្នកគាំទ្រមានការរំភើបណាស់។

ជាក់ស្ដែង កាលពីយប់ថ្ងៃសៅរ៍ ទី២១ ខែតុលាកន្លងទៅ តារាដ៏ល្បីទាំង ២ដួងនេះបានប្រកាសថាពួកគេនឹងរួមសហការគ្នា បង្កើតស្នាដៃ១។ ទាំង Demi និង Luis បានទាក់ទងគ្នាតាមរយៈគណនី Instagram ពាក់ព័ន្ធនឹងវីដេអូចម្រៀងរបស់ពួកគេ។ ដំបូងម្ចាស់បទ "Sorry Not Sorry” តារាចម្រៀង Demi Lovato បានបង្ហោះរូបភាពកន្លែងដែលនាងរៀបចំថតវីដេអូ ហើយ Fonsi ក៏បាន ខមមិនថា៖ "មានរឿងអីហ្នឹង Demi?”

ប៉ុន្មានម៉ោងក្រោយមក ម្ចាស់បទ "Despacito” រូបនេះ ក៏បានបង្ហោះរូប១ រួចសរសេរថា៖ " វាជាអាថ៌កំបាំង" ហើយភ្លាមៗនោះ Demi ក៏បានខមមិនថា៖ "សួស្តី Fonsi”។

បញ្ជាក់ផងដែរ កាលពីសប្ដាហ៍មុន Demi បាននិយាយលេងសើចថា នាងនឹងសហការថតបទចម្រៀងជាមួយជនជាតិឡាទីនម្នាក់ឆាប់ៗនេះ នៅពេលធ្វើកិច្ចសម្ភាសន៍ជាមួយវិបសាយ Buzzfeed។ នាងនិយាយថា៖ "អ្នកទាំងអស់សូមរង់ចាំមើល ព្រោះខ្ញុំបានថតអ្វីមួយថ្មីៗនេះ ហើយខ្ញុំគិតថាអ្នកទាំងអស់គ្នានឹងពេញចិត្ត"៕

ចុចអាន៖

ប្រភព៖ Billboard ប្រែសម្រួល៖ អន សុភក្ត្រា