សោកស្ដាយ! Buffon ប្រកាសចូលនិវត្តន៍នៅចុងរដូវកាលនេះ

2017-10-25 02:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

Gianluigi Buffon ទីបំផុតបានកំណត់ពេលចូលនិវត្តន៍ពីបាល់ទាត់នៅចុងរដូវកាលនេះ ក្រោយចំណាយពេលលើវាលស្មៅជាង២០ឆ្នាំ។

កីឡាករសញ្ជាតិអ៊ីតាលីបានប្រកាសពីផែនការចូលនិវត្តន៍ក្រោយឈ្នះពានអ្នកចាំទីឆ្នើមរបស់ពិភពលោកនៅកម្មវិធី Fifa's Best awards កាលពីថ្ងៃម្សិលមិញ។ "ខ្ញុំច្បាស់ក្នុងចិត្ត៩៩,៩ភាគរយសម្រាប់ផែនការសម្រាកពីអាជីពបាល់ទាត់។ ខ្ញុំនៅមានវគ្គផ្ដាច់ព្រ័ត្រម្ដងទៀត ហើយក៏ជាលើកចុងក្រោយដែរនៅរដូវកាលនេះ"។ Buffon និយាយដូច្នេះ។

អតីតយុវជន Parma បានចាប់ផ្ដើមហ្វឹកហាត់បាល់ទាត់ដំបូងក្នុងឆ្នាំ១៩៩១ មុនពេលឡើងទៅលេងឈុតធំហើយផ្ទេរទៅ Juventus នៅឆ្នាំ២០០១។ នៅក្លឹបរហស្សនាមថាសេះបង្កង់ Buffon លេងបានជិត៥០០ប្រកួតហើយ និងធ្លាប់ឈ្នះពានធំៗជាច្រើនដូចជា Serie A, Coppa Italia, Supercoppa Italiana លើកលែងតែ Champions League ប៉ុណ្ណោះ។

នៅក្រុមជម្រើសជាតិវិញអ្នកចាំទីដៃស្អិតកម្ពស់១,៩១ម៉ែត្របង្ហាញខ្លួនបាន ១៧៣ប្រកួត ហើយជួយក្រុមឈ្នះ World Cup ឆ្នាំ២០០៦ក្រោយយកឈ្នះបារាំងដោយការទាត់បាល់ប៉េណាល់ទី៕